Сәуір айының соңғы уикэнді несімен есте қалады: Freedom QJ League 2-турына шолу

«Тараз» – «Ертіс»: Рахметов тағы бір мәрте жарқырай ма?

Павлодарлық команданың 16 жастағы жартылай қорғаушысы Руслан Рахметов алғашқы турдың басты жұлдызы атанды – ол «Ақтөбеге» қарсы матчта хет-трик жасап, екі нәтижелі пас берді (7:2). Осы керемет ойынының арқасында ол CHANGAN MVP OF THE SEASON аптаның үздік ойыншысы атағына ие болды және ересектер командасының жаттығуларына шақырту алды.

Ал «Тараз» өз кезегінде «Каспийді» Ақтауда 2:0 есебімен сенімді жеңіп, сәтті бастады. Бұл екі клубтың өткен жылғы кездесулерінде тараздықтар «Ақсу» командасын екі рет бірдей 3:1 есебімен жеңген болатын.

«Қайрат» – «Каспий»: қонақтар Алматыда гол соға ала ма?

Алматылықтар маусымды өз алаңында «Қайсарды» 7:0 есебімен ойсырата жеңуден бастады. Бұл ойында дубль жасаған Евгений Петрик бірінші турдың үздік бес ойыншысының қатарына кірді. Ал «Каспий» өз алаңында «Таразға» жол берді.

Өткен маусымда U-17 санатында ақтаулық клуб алматылықтардан екі кездесуде де ірі есеппен жеңілген еді. Үйде олар «Қайраттың» қақпасына екі гол соға алды (2:6), бірақ сырт алаңда жауапсыз бес гол жіберіп (0:5), қарсылық көрсете алмады. Осы маусымда Константин Чернявскийдің командасы «Қайраттың» қақпасына алғашқы голды соққан команда бола ала ма?

«Атырау» – «Шахтер»: «кеншілер» үшінші рет жеңіске жете ме?

Өткен жылы 2008 жылы туған екі команданың текетіресінде Қарағандының «Шахтері» екі кездесуде де сенімді жеңіске жетіп, басымдық танытқан.

Жаңа маусымда «Атырау» «Астанадан» 1:6 есебімен ойсырай жеңілді, ал «Шахтер» сырт алаңда «Жас Қыранмен» 2:2 есебімен тең түсті.

Қарағандылықтарды жеңілістен құтқарып қалған ойыншы – Глеб Макридов. Лигадағы үшінші маусымын өткізіп жатқан 18 жастағы жартылай қорғаушы командасының екі голын да соғып, матчтың соңғы минуттарында таразы басын теңестірді. Осылайша ол аптаның үздік бес ойыншысының қатарына енді. Енді «Атырау» бұл жартылай қорғаушыны тоқтата ала ма – көре жатармыз.

«Ақтөбе» – «Астана»: «қызыл-ақтар» жеңілістен кейін ес жия ма?

«Ақтөбе» маусымды сәтсіз бастады – Павлодарда 2:7 есебімен жеңілді. Ал «Астана» керісінше, амбициясын дәлелдеп, «Атырауды» 6:1 есебімен ойсырата жеңді.

«Астананың» екі ойыншысы – жартылай қорғаушы Наиль Мыңжасаров пен қорғаушы Мейіржан Серік аптаның символикалық құрамына енді. Олар жексенбіде «Ақтөбе» үшін үлкен сынақ болмақ.

«Жас Қыран» – «Тобыл»: алғашқы жеңіс жолында

Екі команда да алғашқы турда бір ұпайдан жинады. «Жас Қыран» сырт алаңда «Шахтермен» тартысты тең ойын өткізді, ал «Тобыл» «Ордабасыға» қарсы матчта голдармен алмасты (1:1).

Дегенмен, «Ордабасы» жеңіске жете алатын еді, егер «Тобыл» қақпашысы Дастан Әмірбектің тоғыз сэйві болмағанда. Ол тек бір ғана гол жіберіп, турдың үздік бес ойыншысының қатарына кірді.

Бұл екі команданың өткен жылғы U-17 турниріндегі нәтижесі тең: «Жас Қыран» сырт алаңда 1:2 есебімен жеңілді, бірақ кейін өз алаңында 4:0 есебімен кек қайтарды. Енді олар негізгі турнирде кездеседі – бәрі болуы мүмкін.

«Қайсар» – «Ордабасы»: тосынсый бола ма?

«Қайсар» маусымды «Қайраттан» 0:7 есебімен ойсырай жеңілуден бастады, ал «Ордабасы» «Тобылды» көп соққы жасағанымен жеңе алмады.

Өткен жылы U-17 турнирінде шымкенттіктер қызылордалықтарды екі рет жеңген – 7:0 және 3:1. Бірақ 2024 жылғы маусымда «Қайсар» «Астананы» ірі есеппен жеңген, сондықтан бұл жолы да тосынсый болу ықтималдығы бар.

Fantasy-ді QJ League-пен бірге ойнаңыз!