Freedom QJ League-да ойнаған қай футболшылар жаңа маусымға дайындалып жатыр: үшінші бөлім

«Қайрат-Жастар»

Жора Арутюнянның жетекшілігімен оқу-жаттығу жиындарына кіріскен «сары-қаралардың» жастар командасы толығымен Лигада ойнаған футболшылардан жасақталған.

Олар: қақпашылар Бахтияр Алдашев пен Богдан Воднев, қорғаушылар Данияр Ташпулатов, Адлан Нұрғалиев, Анвар Омар-Ахунов, Мустафа Шен, Раимбек Кенесбеков, Акежан Каликулов, Санат Нұрболат, Әділет Сансызбай, Алан Аракельянц, Абдулазиз Мамедов, Даниил Соболев және Дарын Қожахмет, жартылай қорғаушылар Шыңғыс Дүйсенбек, Карим Махаметжан, Евгений Петрик, Төре Исмағұлов, Аламгир Смақов, Даурен Дархан, Нұржан Еркін, Нұрхан Бектурсунов және Ермұхаммад Керімхан, сондай-ақ шабуылшылар Абылай Төлеухан, Ғани Әлімбек, Артур Трубин және Қайсар Малаев.

Айта кетейік, бұл тізімде «Қайраттың» негізгі командасы сапында ойнаған жалғыз футболшы — Ташпулатов. Ол өткен маусымдағы ҚПЛ-дың 4-туры аясында «Атырауға» қарсы матчта дебют жасап, кейін тағы үш чемпионат ойынында алаңға шықты. Оның екеуінде ойынның басынан соңына дейін өнер көрсетті.

2024 жылы қорғаушы Freedom QJ League-да ойнап, жарқын ойынының арқасында жылдың символикалық құрамасына енді.

«Жастар» сапындағы бірқатар «қайраттық» жас футболшылар үшін ересектер футболындағы дебют әлі алда — Алдашев, Воднев, Сансызбай, Аракельянц, Мамедов, Соболев, Қожахмет, Дархан, Еркін, Бектурсунов, Керімхан, Әлімбек, Трубин және Малаев Бірінші лиганың жаңа маусымында алғашқы кәсіби матчтарын өткізуі мүмкін.

Еске салайық, өткен маусым қорытындысы бойынша Абылай Төлеухан мен Акежан Каликулов жеке жүлделерге ие болды — сәйкесінше үздік шабуылшы және үздік қорғаушы атанды.

«Ертіс»

Павлодар клубының негізгі командасымен маусым алдындағы жиындарға Лигада өнер көрсеткен Мадияр Төлеубек, Даниил Ефременко, Мирас Рихард және Тамерлан Агиманов аттанды.

Бұл тізімдегі кәсіби деңгейде әлі дебют жасамаған жалғыз ойыншы — Freedom QJ League 2025 жылғы үздік қақпашысы Мадияр Төлеубек. Еске салайық, жас қақпашы 19 матчта 80 сейв жасап, оның бесеуінде қақпасын «құрғақ» сақтап, осы марапатты иеленді.

Дәл осы Мадияр мадридтік «Атлетикоға» қарсы өткен QJL All Star құрамасының қақпасын қорғады. Матч қонақтардың пенальти сериясындағы жеңісімен аяқталды, ал Төлеубек қазақстандық команданың үздік ойыншысы — Changan MVP of the Match атағын алды.

Ефременко, Рихард және Агиманов бұған дейін «Ертістің» негізгі командасында ойнаған. Агимановтың еншісінде ең көп матч бар — 25 ойын, оның ішінде өткен маусымда вингер 8 гол соқты.

Бірінші лига-2025 күміс жүлдегерлері биыл жоғары дивизионда ойнайды — алдағы ҚПЛ маусымында павлодарлықтардың нәтижесіне дәл осы жастар шешуші үлес қосуы әбден мүмкін.

«Ордабасы»

Лигада бұрын ойнаған жасөспірімдер арасынан «Ордабасының» негізгі командасымен жиындарға Ануар Абдашим, Жасұлан Әмір, Бағдаулет Нуралы және Алибек Халдар шақырылды.

Олардың үшеуі ересектер командасында ойнау тәжірибесіне ие: Жасулан өткен маусымда 15 матчта алаңға шықса, Бағдаулет 10 ойында өнер көрсетті. Маусым соңында Алибек те дебют жасап, ҚПЛ 25-туры аясында «Оқжетпеске» қарсы ойында қосалқы құрамнан алаңға шықты.

Еске салайық, Бағдаулет Нұралы — Freedom QJ League 2024 үздік сұрмергені. Ол сол маусымда 22 матчта 22 гол соғып, 6 нәтижелі пас берді.