Қыздар турнирінің кезекті турына превью.
«Қайрат» – «Шахтер»
Алматылық команда чемпиондық атақты мерзімінен бұрын жеңіп алуға бір қадам қалды. «Сары-қаралардың» қарағандылықтарды жеңуі «Астананы» артта қалушылықты математикалық тұрғыдан жою мүмкіндігінен айырады.
Маусымды бірқалыпты өткізе алмағанына қарамастан, «Шахтер» соңғы матчтарда жақсы қарқын алды. Команда қатарынан үш жеңіске жетті: «Ордабасы», «Ертіс» және «Ақтөбені» ұтты. Алайда «Қайрат» – мүлде басқа деңгейдегі сынақ. Қарағандылықтар тосынсый жасап, «Астанаға» үміт сыйлай ала ма?
«Астана» – «Ақтөбе»
Дегенмен «Қайрат» ұпай жоғалтқан күннің өзінде, интрига соңғы турға дейін жетпеуі мүмкін. «Астана» соңғы үш матчтың екеуінде жеңілді. Егер қазіргі чемпиондардан ірі есеппен ұтылу сенсация болмаса, 12-турдағы нәтиже күтпеген әрі өкінішті болды. Еске салайық, бір апта бұрын елордалық футболшылар Шымкентте минималды есеппен жеңіліп, кездесудің тағдырын Зарэма Максоттың автоголы шешкен еді.
«Ақтөбе» соңғы үш турда Қызылордада алаң иелерін ірі есеппен жеңді (8:0), өз алаңында «Ордабасыдан» қиын жеңіс алды (2:0) және Қарағандыда «Шахтермен» матчта тең нәтижені сақтап қала алмады (1:2). «Астанаға» қарсы кездесуді дисквалификацияға байланысты қорғаушы Назым Кулетова өткізіп алады – бұл елордалық команданың шабуылы үшін жақсы жаңалық.
«Тобыл» – «Ордабасы»
Егер қонақтар жүлделі үштікке ену мүмкіндігінен айырылып қойса, «Тобыл» үшінші орында келе жатқан «Шахтерден» небәрі үш ұпайға қалып келеді. Сондықтан жағдай сәтті өрбісе, Денис Сафроновтың командасы қола жүлдеге қол жеткізуі мүмкін. Бір қызығы, дәл осындай жағдайда «Ақтөбе» де тұр – ал соңғы турда «Тобыл» дәл осы «қызыл-ақтармен» кездеседі.
Бірінші айналымда Қостанай футболшыларының Шымкентке сапары тартысты тең есеппен аяқталды (2:2). Енді екі команда да өзара текетіресте соңғы сөзді өзі айтуға ниетті екені анық.
«Ертіс» – «Қайсар»
Турнир кестесінің тиісінше соңғыдан екінші және соңғы орындарында тұрған екі аутсайдердің кездесуі. «Ертіс» «Қайсардан» төрт ұпай алда – 7 ұпайға қарсы 3.
Бұл командалардың алғашқы кездесуі «Ертістің» минималды жеңісімен аяқталды – Қызылордада 74-минутта жалғыз голды Полина Арланова соқты. Қатарынан төрт матчта жеңілген павлодарлық командаға босаңсуға болмайды – өйткені бұл маусым аяқталар тұста «Қайсардың» қосымша ұпай жинауға ең жақсы мүмкіндігі.
.png)
.png)
.png)