Әйелдер футболы – жаздан да жарқын: Freedom QJ League W маусымының ашылуынан көріністер

7 маусымда Павлодардың Орталық стадионы Лиганың тарихында алғаш рет алаңға қыздар шыққан күн ретінде есте қалды. Бұл күні 4 186 көрермен стадионға жиналды.

Әртүрлі белсенділіктер, бағалы сыйлықтардың ұтысы, жазғы жаңбыр астындағы Мирас Жүгенұлының концерті, Қазақстандағы әйелдер клубтық футболындағы көрермен саны бойынша рекорд — мұның бәрі көзге көрінбейтін, бірақ ауқымды еңбектің нәтижесі. Біз сіздерді 2025 жылғы алғашқы матчдэй-ивенттің шымылдығының артындағы әлемге саяхаттауға шақырамыз.

Бұл экскурсияда сіздерге Freedom QJ League маркетингтік коммуникациялар менеджері Аяжан Жұмабекова мен медиа және маркетинг блогының жетекшісі Антон Лысяк жол көрсетеді. Олар сіздерге фестиваль тұжырымдамасы, әрбір детальдің маңыздылығы туралы айтып береді және сол тарихи кештің атмосферасын қайта сезінуге мүмкіндік сыйлайды.