«Елімай» жеңілістен құтылды, «Оңтүстік» «Оқжетпестің» тас-талқаның шығарып жеңді: Freedom QJ League B 6-турындағы жарқын сәттер

«Ұлытау» «Елімайға» қарсы маусымдағы алғашқы жеңісін уысынан шығарып алды

Жезқазғандық клуб турнир кестесінің соңында тұрғанына қарамастан, Семейде Сергей Тагиев шәкірттерінің маусымдағы алғашқы жеңісін тойлауға мүмкіндігі болды – 79-минутта Тимур Есен есеп ашты. Алайда «Ұлытау» жанкүйерлерінің қуанышы ұзаққа созылмады – қосымша уақытта «Елімай» пенальти орындауға мүмкіндік алды, және Абдрахим Әсемхан бұл сәтті мүлт жібермеді.

Соған қарамастан, «Ұлытау» Семейден бір ұпаймен оралды – бұл алты турдағы екінші ұпайы.

«Оңтүстік» «Оқжетпесті» озып кетті

Көкшетаулық клуб «Оңтүстіктен» жауапсыз төрт гол өткізіп алды – енді чемпионат көшбасшысы – КФФ Академиясынан «Оқжетпестің» айырмашылығы алты ұпай, ал екінші орында тұрған шымкенттіктерден – төрт ұпай. Дегенмен, бұл 18 турдың тек алтыншысы ғана – сондықтан Евгений Ульшиннің командасына төменгі бөліктегі тартысты ескере отырып, енді сақ болу қажет – үшінші орын мен соңғының арасын бар болғаны екі ұпай бөліп тұр.

КФФ Академиясы жеңісті жолын жалғастыруда

Астанада «Жеңіс» ҚФФ академиясын қабылдады. 23-минутта алаң иелері есеп ашты – гол авторы Расиль Исаев. Алайда Стюарт Холл командасы үзіліске дейін есепті теңестірді – Артем Шалыгин гол соқты, ал 75-минутта Арғын Жұмагелді соңғы нүктені қойды – 1:2.

Осылайша КФФ Академиясы 18 мүмкін ұпайдың 15-ін жинап, турнир кестесінде көш бастап тұр. Айта кетейік, бұл команданың ойыншылары қарсыластарынан екі жасқа кіші.