Жанна Мальгаждарова: «Лиганың маңызды миссиясы – әрбір қыз балаға футболдың да өзіне арналғанын сезіндіру»

– Қыздар командаларымен жұмыс істеуде мол тәжірибем бар болғандықтан, қыздардың жыл сайын қалай дамып, күшейіп, бір-бірімен бұрынғыдан да ұйымшыл бола түсетінін көру мен үшін үлкен мақтаныш. Сен қандай да бір деңгейде үлес қосқан жетістік, кейде жеке жетістігіңнен де маңыздырақ болып жатады.

Осындай фестивальдер әйелдер футболын дамытуға шынымен де үлкен көмегін тигізеді. Бұл тамаша спорт түрі туралы білетін адамдар саны артып келеді, қыздар көбірек қызығушылық танытып, футболға тартыла бастайды. Ең бастысы – қорқыныш жоғалып, «футбол тек ерлерге арналған» деген стереотиптер жойылады.

Менің ойымша, Freedom QJ League басты миссияларының бірі – әрбір қыз балаға футболдың да өзіне арналғанын сезіндіру. Қыздар бүгіннің өзінде-ақ бұл спорт арқылы өздеріне жарқын әрі лайықты болашақ құра алатынын түсіне алады.