Клубтарды әдістемелік сүйемелдеу: САБ өкілдері Шымкентке барды

Сарапшы-аналитиктер Игорь Шпанера, Дмитрий Васильев және Дмитрий Огай «Ордабасы» футбол орталығына барды.

Еске сала кетейік, Лиганың үшінші турында шымкенттік клуб алматылық «Жас Қыранды» қабылдады. U-17 санатындағы матчта алаң иелері 3:0 есебімен сенімді жеңіске жетті, ал негізгі турнир мен U-16 санатындағы ойындар тең аяқталды – тиісінше 2:2 және 0:0.

1-5 мамыр аралығында өткен бес күндік сапар барысында Лига өкілдері «Ордабасының» үш командасының жаттығу процесі мен ойындарына мониторинг жүргізіп, футбол орталығының мамандарымен және басшылығымен кездесулер өткізді.

Клубтың жасөспірімдер футболын дамыту жөніндегі үйлестірушісі «Ордабасы» академиясының ойын моделін таныстырып, шабуыл мен қорғаныстағы негізгі ойын қағидаларын жан-жақты түсіндірді.

Лига сарапшылары жаттықтырушылармен жеке ойыншылар мен команданың жалпы ойынын бағалауға қажет аналитикалық метрикаларды талқылады.

Айта кету керек, «Жас Қыранмен» өткен матчтар BigBro жобасының «ақылды» камерасына жазылып, кеңейтілген статистикаға қол жеткізуге мүмкіндік берді.

Тур аяқталғаннан кейін келесі күні Лига сарапшылары U-17 санатындағы матч бойынша жаттықтырушылар штабына егжей-тегжейлі аналитикалық есеп ұсынды. Команданың мықты және әлсіз тұстары, сондай-ақ табысқа әсер еткен негізгі сәттер көрсетілді.

Сонымен қатар, сапардың соңғы күнінде «Қарымта шабуылдар» тақырыбында теориялық сабақ өткізілді.

«Бұл күндер ішінде футбол орталығының жаттықтырушылары ашық, мейірімді болды және жаттығу процесінде «ақылды» камералар мен Wyscout аналитикалық деректерін пайдалану туралы өз ойларымен қызығушылықпен бөлісті», – деп атап өтті Лига сарапшысы Дмитрий Васильев.