Freedom QJ League B: 1-турдың жарқын сәттері – «ҚФФ Академиясының» қарқынды бірінші ойыны және Әлібековтың жарқын жетістігі

Жас, бірақ осал емес: «КФФ Академиясының» жарқын дебюті

«ҚФФ Академиясы 2010» командасы Freedom QJ League-дағы алғашқы ойынын өткізді. Бұл командада Қазақстан U-16 құрамасының ойыншылары ойнайды. Қарсыластары өздерінен екі жас үлкен болса да, Стюарт Холл шәкірттері маусым басынан-ақ есептен шығаруға болмайтынын дәлелдеді.

Олардың алғашқы қарсыласы – «Алтай» болды. «ҚФФ Академиясы» Өскемен командасын жауапсыз 5 голмен жеңді. Жақында ғана 15 жасқа толған жартылай қорғаушы Әмірхан Маратов дубль авторы атанды. Қызығы, екі голын да ол бір тәсілмен – қақпашыдан асыра соғып салды.

Осылайша, «КФФ Академиясы» голдар айырмашылығы бойынша басқа жеңімпаздардан озып, турнир кестесінде көш бастады.

«Жеңіс» пен «Хан-Тәңірі» жеңілістен бастады

Лиганың тағы екі дебютанты – елордалық «Жеңіс» пен алматылық «Хан-Тәңірі» алғашқы матчтарында ұтылып қалды.

Астаналық клуб маусымды өз алаңында бастап, «Елімайға» 1:3 есебімен жол берді. 25-минутта есеп ашуға мүмкіндік болғанымен, Айбар Буриевтің пенальтиден соққысын Алихан Темірхан қайтарып жіберді.

15 минуттан соң «Жеңіс» шабуылшысы айып соққыдан есепті теңестіріп, командасын алға шығарды. Алайда соңғы он минутта астаналықтардың ойыны құлдырап, семейліктер 81 және 89 минуттарда гол соғып, қосымша уақытта үшіншісін салды.

Ал алматылықтар маусымды лиганың басты фавориті – «Оңтүстікке» қарсы бастауға мәжбүр болды. Былтыр Б Лигасында 14 матчтың бәрін жеңген шымкенттік клуб бұл жолы да 4:1 есебімен жеңіске жетті. Жалғыз голды жартылай қорғаушы Тимур Дешко соқты. «Оңтүстік» сапынан Алихан Әли мен Темірлан Ермек 1 гол және 1 нәтижелі паспен ерекшеленді.

Әлібековтың жұлдызды матчы

«Қызылжар» турнирдегі алғашқы ойында «Оқжетпесті» 3:2 есебімен жеңіп, маңызды үш ұпайға қол жеткізді. Петропавлдықтардың жеңісінде Мадияр Әлібеков шешуші рөл атқарды – ол дубльмен көзге түсті.

Осылайша, 17 жастағы шабуылшы алғашқы турда бірден екі гол соғып, өткен маусымдағы көрсеткішін қайталады: 2024 жылы Әлібеков 11 матчта 2 гол және 3 нәтижелі паспен шектелген еді.

Турдың ең нәтижелі матчтары: «Қызылжар» – «Оқжетпес» (3:2), «Оңтүстік» – «Хан-Тәңірі» (4:1), «КФФ Академиясы» – «Алтай» (5:0)