Ірі жеңістер мен камбэктер: Freedom QJ League 3-турынан үзінділер

Алматылықтар көшбасшылықты өз қолына алды

«Қайрат» үшін бұл уикенд өте сәтті өтті: «сары-қаралардың» үш командасы да «Ертіс» жасөспірімдерін ірі есеппен жеңді.

U-16 турнирінде алматылықтар 7:1 есебімен жеңіске жетіп, ұпай саны бойынша «Астанамен» теңесті – бұл екі көшбасшы келесі турда өзара кездеседі.

U-17 кездесуінде «Қайрат» 10:1 есебімен жеңіске жетті. Нилеш Шарма покер авторы атанса, ал 14 жастағы шабуылшы Роман Черноморец хет-трик жасады.

Басты матчта «Қайрат» павлодарлықтарды 7:1 есебімен ойсырата жеңіп, барлық ойындарын жеңіспен аяқтаған жалғыз команда ретінде чемпиондық жарыста жеке көш бастады.

Бұл матчтың басты қаһармандары – Даулет Орынбасар мен Абылай Төлеухан. Екеуі де дубль мен нәтижелі пасымен көзге түсті. Айта кетерлігі, Төлеухан алаңға 57-минутта ғана шыққан. Қазір ол 5 голмен сұрмергендер тізімінде бірінші орында, ал оның ізін қуып келе жатқандарда 3 голдан ғана бар.

Қызығы, бұл матч «Ертістің» доп айырмасын нөлге түсірді – Асхат Мусатаев шәкірттері 10 гол соғып, 10 гол жіберіп алған.

«Қайсар» алғашқы жеңісіне жетті

Ни ұпайы жоқ екі команда – «Қайсар» мен «Каспий» арасындағы басты турнир матчы қызылордалықтардың жеңісімен аяқталды. Жалғыз голды жартылай қорғаушы Бақберген Ыбырайхан соқты.

Осы жеңістің арқасында «Қайсар» турнир кестесінде тоғызыншы орынға көтеріліп, тек «Каспийді» ғана емес, бір ұпайдан ғана еншілеген «Тобыл» мен «Ақтөбені» де артта қалдырды.

Ералы Тұңғыш «Таразды» құтқарды

«Астана» мен «Тараз» арасындағы матчтың соңғы минуттарына дейін елордалықтар «Ақтөбедегі» сәтсіздіктен кейін жеңіске жетіп, реабилитация жасайтындай көрінді – 86-минутта оңтүстік команда 0:2 есебімен ұтылып жатқан, ал алғашқы голды Азамат Қалмұхамбет өз қақпасына соққан болатын.

Алайда екінші таймда алаңға шыққан Ералы Тұңғыш ойынды өзгертіп жіберді. «Тараз» шабуылшысына командасын құтқаруға небәрі төрт минут жеткілікті болды: 86-минутта маусымдағы алғашқы голын соқты, ал тағы төрт минут өткен соң Али Аскербековты екінші автоголға итермеледі – есеп 2:2.

Айта кететін тағы бір қызықты сәт – U-16 турниріндегі ерекше әрі әдемі гол. 79-минутта «Астанадан» Ануар Төленді есеп ашқан соң, «Тараз» қорғаушысы Абылай Тоқтасын орталық шеңберден жүгіріп келіп соққы жасады – алаң иелерінің қақпашысы Арслан Қуандықов мұндай шешімді күтпеген. Бұл эпизод матч тағдырын шешіп кетті – басқа голдар соғылған жоқ.

«Ордабасы» мен «Атыраудың» кері қайтуы

«Жас Қыран» «Ордабасымен» өткен ойында жеңіске жетуге жақын болды және бас турнир кестесінде «Ертісті» артта қалдыруы мүмкін еді – 68-минутта алматылықтар Шымкентте 2:0 есебімен алда келе жатқан. Алайда алаң иелері өздерін қолға алып, Абдурахман Орумбаев пен Жанәлі Есенәлиевтің (пенальтиден) голдарының арқасында есепті теңестірді – 2:2.

Ұқсас сценарий Қостанайда да орын алды. «Тобыл» маусымдағы алғашқы жеңісіне жете алатын еді – 57-минутта Жанұ Көпжасаров есеп ашты. Бірақ Максат Мұратов пенальтиден таразы басын теңестірсе, 89-минутта Матвей Борисов алаң иелерінің қақпасына гол соғып, «Атырауға» жеңіс сыйлады.

Айта кетерлігі, өткен турда да 16 жастағы жартылай қорғаушы «мұнайшыларға» «Шахтермен» ойында тең есепті алып келген гол авторы атанған. Бұл жолы Борисов командасына алғаш рет үш ұпай алып келді.

Турдың ең нәтижелі матчтары

Freedom QJ League: «Ертіс» – «Қайрат» (1:7).

Freedom QJ League U-17: «Ертіс» – «Қайрат» (1:10).

Freedom QJ League U-16: «Ертіс» – «Қайрат» (1:7).