Александр Шпиев – Freedom QJ League U17 турнирінің үздік қорғаушысы!

Қорғаушы маусымда 21 матч өткізді. Оның еншісінде – 239 тартып алу мен доп қағып алу, сондай-ақ 783 пастың 523-і дәл орындалған (67%). Бұған қоса, ол 389 жеке қарсыласудың 209-ында (54%) жеңіске жетіп, төрт нәтижелі пас берді.

Барлық турнирлердің «ең пайдалы ойыншысы», «үздік қақпашы», «үздік қорғаушы», «үздік жартылай қорғаушы» және «үздік шабуылшысы» аталымдарының иегерлері Лиганың серіктесі Freedom Bank-тан 200 000 теңге сыйақы алады.

«Бұл номинацияны алғаныма қатты қуаныштымын. Шынымды айтсам, күтпедім. Маусым жақсы өтті, бірақ одан да жақсы болу мүмкін еді.

Ең жарқын сәт? Әрине, соңғы минуттарда «Астана» қақпасына гол соққан кез. Ал жүлде ақшасын жинаймын немесе ата-анама беремін.

Кіші буын ойыншыларына келесі маусымда жақсы нәтижелер тілеймін. Сондай-ақ олардан алаңда бар күшін салуды сұраймын», – деді ол лиганың ресми сайтына берген сұхбатында.