Барлық назар – жүлделі үштікке: Freedom QJ League W XIII турына дейін нені білу қажет

«Жетісу» – «Ертіс»

Талдықорғанда жеңіске жеткен жағдайда павлодарлық команда «Астана» «Қайратты» жеңе алмаса, екінші орынға таласу мүмкіндігін сақтап қалады. Ал егер «Жетісу» сенсация жасап, солтүстікқазақстандықтардан ұпай тартып алса, онда «Ертіс» мүлде жүлдесіз қалу қаупіне тап болады – сондықтан бұл матч олар үшін аса маңызды.

«Астана» – «Қайрат»

Турдың орталық кездесуінде елорда клубы күміс жүлдені мерзімінен бұрын қамтамасыз ету үшін «Қайратты» жеңуі керек. Алайда өткен турда чемпион атанған алматылық футболшы қыздар тағы бір жетістікке қол жеткізуді көздейді – маусымды жүз пайыздық жеңіс көрсеткішімен аяқтау.

«Астананың» жағдайы онша жақсы емес – соңғы екі ойында қыздар жеңілді. Олар маусымның соңын сәтті аяқтай ала ма?

«Тобыл» – «Ордабасы», «Ақтөбе» – «Шахтер»

Қалған екі кездесу турнир кестесінің екінші бөлігінің көрінісін анықтайды. Сонымен қатар, бұл төрт команданың барлығы да «Ертіс» Талдықорғанда ұтылса, қола жүлдеге математикалық мүмкіндік сақтап қалады. «Ақтөбе» мен «Ордабасының» жағдайы сенімдірек, себебі олар қарсыластарынан бір ұпай алда – шешуші турларда бұл айтарлықтай басымдық.