Медведеваның керемет голы, қақпада тұрған қорғаушы және жіберіп алған тең есеп: Павлодардағы ойынның басты сәттері

Еске салайық, Оксана Коханнаяның командасы турнир кестесінде сенімді түрде көш бастап келеді, әрі барлық өткен матчтарын ірі жеңіспен аяқтап жүрген болатын. Алайда осы аптада оларды күтпеген тосынсый күтіп тұрды.

Алматылық футболшы қыздарды «Ертіс» қабылдады. 24-минутта Ангелина Кленованың дәл соққысы қонақтарды алға шығарды, алайда бұл басымдықты арттыру оларға мүлде мүмкін болмады.

«Қайратқа» тән емес ойын өрбіуі күтпеген бұрылыспен жалғасты – Елизавета Медведева айып алаңынан сыртта тұрып-ақ Акнұр Жақсыкелдінің қақпасын әдемі соққымен дәл көздеді. Ең қызығы, «Ертістің» үздік шабуылшысы бұл голды өз қақпашысы – Стелла Бабурчина-Луклянецтен тікелей келген пастан кейін соқты.



Алайда керемет сенсацияға жол берілмеді – 83-минутта Бабурчина-Луклянец қақпадан шыға бергенде құлап қалды. Жағдайдың расында күрделі екені белгілі болғанға дейін, Милена Николенко сәтті пайдаланып, есепті 2:1-ге жеткізді. Қонақтар қайта алға шықты.

Кейін белгілі болғандай, Стелла жарақат алыпты. Оның орнына қақпашы міндетін қорғаушы Амина Нечтайлюк атқаруға мәжбүр болды – қосымша уақытта ол өзіне тән емес рөлмен сәтті күресе алды. Алайда алаң иелері есепті теңестіре алмады, ал «сары-қаралар» тағы да жеңіспен алаңнан кетті.

«Қайраттың» екі голына да нәтижелі пас берген София Ягудинаның еншісінде қазір 9 ойында 10 гол мен 10 ассист бар. Ал Елизавета Медведева үшін бұл гол мерейтойлық болды – «Ертістің» шабуылшысы 10 ойында 10 гол мен 5 нәтижелі пас жинап үлгерді.

Тур жалғасып жатыр – турнир кестесіндегі жағдай жұма күні нақтырақ белгілі болады.