QJ League ойыншыларының қайсысы кәсіби командаларға шақыру алғаны туралы баяндауды жалғастыруда
«Атырау» U18
Бұған дейін QJ League ойыншыларының бірнешеуі «Атырау» негізгі командасында қаралатыны туралы жазған болатынбыз. Енді ол олар үшін сәтті аяқталды деп айтуға болады: Темірлан Жиеналиев, Юсуф Сайдалиев және Ербұлан Қанат «мұнайшылармен» келісімге қол қойды.
«Астана» U18
Елордалық команда капитаны Әділбек Рақышев астаналықтардың фарм-клубымен келісімшартқа қол қойды. Өткен маусымда ол 18 матчта ойнады және қызыл қағаздар (3) және дисквалификация (4) саны бойынша лига рекордын орнатты.
Өткен маусымдағы ең үздік голдың авторы Ахметәлі Қалтановқа Бірінші лиганың бірнеше клубтары қызығушылық танытқанын айтқан болатынбыз. Өткен аптада Ахметәлі SD Family кәсіпқой командасымен келісімшартқа отырды.
«Оңтүстік» U18
Калтанов SD Family құрамында мансабын жалғастыратын жалғыз ойыншы емес. Шымкенттік «Оңтүстіктің» үш ойыншысы келесі маусымды астаналықтар сапында жалда өткізеді. Олар: Ибраһим Батыр, Жавохир Эркинбай және Сұлтан Шымырхан.
Батыр мен Эркинбай өткен маусымда шымкенттіктердің екі қапталдағы негізгі қорғаушылары болды. Олардың әрқайсысы алаңда 21-ші матчтан өткізді, екеуі бірге екі гол соғып, 2 нәтижелі пас берді.
Шымырхан өз кезегінде «Оңтүстік» шабуылында бас джокер болды. Негізінен матч барысында ауысымға шыққан Сұлтан 20 ойында алаңда 536 минут өткізді.
«Оңтүстік» командасының тағы бір ойыншысы Захар Порох – «Оқжетпес» командасына бір жылға жалға беріліп отыр.
«Оңтүстік» академиясының спорттық директоры Олег Киселев жас ойыншылардың дамуы туралы айтып берді: «QJ League біздің ойыншыларға өздерін көрсетуге жақсы мүмкіндік берді және олар үшін үлкен перспективалар ашты. Бес ойыншымыз қәзір негізгі құраммен Түркияға ОЖЖ-на аттанды. 2006 жылғы үш ойыншымыз Бірінші Лигада ойнайтын SD Family футбол клубына жалға берілді. Сұлтан Шымырхан, Жавохир Эркинбай және Ибраһим Батыр өзін жақсы қырынан көрсете алады деп сенемін. Захар Порох «Оқжетпес» командасына қосылды. Тағы бір ойыншымыз Ерасыл Сәрсенбай Премьер-лигада ойнайтын «Тұран» футбол клубында қаралымда жүр».
17 жасқа дейінгі Қазақстан құрамасы
Жексенбіде Минскіде жыл сайынғы «Даму кубогы» турнирі басталды. Өткен жылдағыдай, біз алдағы Freedom QJ League маусымында дебют жасайтын көптеген жаңа ойыншыларды көре аламыз.
Турнирдің бастапқы матчында біздің құрама Ресейден келген құрдастарына 3:1 есебімен жеңіліп қалды. Біздің команда құрамында Лига тарихындағы ең жас гол авторы Дастан Сатпаев гол соққан.
