Бауыржан Сағындық – ССБ-нің жаңа жетекшісі!

Бауыржан Сағындық Лигада алғашқы маусымнан бері еңбек етіп келеді. Ол сарапшы қызметін атқарып, блок жобаларын ұйымдастыруға және оның ұзақ мерзімді даму стратегиясын жоспарлауға белсенді түрде қатысқан.

Сонымен қатар, 2024 жылдың ақпан айынан бастап Қазақстанның U17 жасөспірімдер құрамасының аға жаттықтырушысы болып жұмыс істейді. Оның жетекшілігімен қазақстандық жас футболшылар Еуро-2026 іріктеу кезеңінің элиталық раундына жолдама алды.

Freedom QJ League-ға келгенге дейін Сағындық «Ертіс», «Ақсу» және «Жұлдыз» клубтарының жүйесінде еңбек еткен, сондай-ақ Қазақстанның U20 құрамасының аға жаттықтырушысының көмекшісі болған.

«Freedom QJ League аясында спорттық-сараптамалық бағыттың дамуына жауап беру – үлкен жауапкершілік.

Біз жаттықтырушылар мен клубтардың күнделікті жұмысына нақты пайда әкелетін практикалық аналитикаға басымдық береміз және Лиганың ерекшеліктерін ескере отырып, тұрақты аналитикалық жүйені дамытуды жалғастырамыз.

Көрсетілген сенім үшін Freedom QJ League басшылығына алғыс білдіремін», – деді Бауыржан Абаевич.

Еске салайық, Лиганың алғашқы үш маусымында спорттық-сараптамалық бөлімін басқарған Арсен Инкарбеков қарағандылық «Шахтер» клубына ауысып, клубтың спорттық директоры қызметіне тағайындалды.