КӨҢІЛ АЙТУ

Он жылға жуық уақыт бойы ол еліміздің басты командасының қақпасын қорғап, жанкүйерлердің бірнеше буыны үшін сенімділіктің символына айналды. Бүгінде алаңға шығып, қақпаға тұрып жүргендердің талайы оның ойынына қарап өсті.

Freedom QJ League маусымының үздік қақпашысына арналған жүлде Александр Убыкиннің есімімен аталады. Бұл марапат қазақстандық футболда қақпашылық шеберліктің биік межесін белгілеген тұлғаны жыл сайын еске салып тұрады.

Александр Убыкиннің отбасына, туған-туыстарына, достарына және оны танып, құрмет тұтқан барша жанға қайғырып көңіл айтамыз. Қайғыларыңызға ортақпыз.

Жарқын бейнесі жадымызда мәңгі сақталады.