Диярбек Абдиразаков – Freedom QJ League U17 турнирінің үздік жартылай қорғаушысы!

Ол маусымда 18 матчқа қатысып, үш гол соқты және төрт нәтижелі пас берді. Сонымен қатар, 412 пастың 315-і дәл адреске жеткен (76%).

Барлық турнирлердің «ең пайдалы ойыншысы», «үздік қақпашы», «үздік қорғаушы», «үздік жартылай қорғаушы» және «үздік шабуылшысы» аталымдарының иегерлері Лиганың серіктесі Freedom Bank-тан 200 000 теңге сыйақы алады.

«Бұл жеңіс мені қатты жігерлендірді. Маған сенген адамдардың үмітін ақтағандай болдым. Командама және жаттықтырушыларыма шексіз алғыс айтамын.

Маусым жалпы жақсы өтті. Өзімді көрсете алдым, тәжірибе жинадым. Келесі жылдағы басты мақсатым – ойынымды жаңа деңгейге көтеріп, командаға одан да көп үлес қосу. Биыл мені таңғалдырған нәрсе – бәсекелестіктің өте жоғары деңгейі. Ең есте қалған сәт – маңызды ойында соққан шешуші голым.

Жүлде ақшасын спорттық дамуыма көмектесетін қажетті заттарға жұмсамақпын.

Келесі жылы Лигада дебют жасайтын кіші ойыншыларға айтарым: көрерменнен қорықпаңдар. Ең бастысы – өзіңе сену және әр матчта бар күшіңді салу. Қателік жіберсең – тоқтама, ары қарай еңбектенуді жалғастыр», – деді ол лиганың ресми сайтына берген сұхбатында.