Евгений Яровенко: «Үлкен спорт жүйелі ғылыми тәсілсіз мүмкін емес»

– Әрине, жеке мотивация мен тәртіп, күнделікті өзіңмен жұмыс істеу жоғары жетістіктер спортында негізгі рөл атқара береді. Бірақ соңғы онжылдықтарда тағы бір фактордың айтарлықтай күшейгенін жоққа шығаруға болмайды, әсіресе олимпиадалық спорт түрлерінде – бұл дарынды спортшыларды дайындауда озық ғылыми әдістерді қолданатын жүйелі көзқарас.

Озық технологиялар мен ғылыми деректерге негізделген мықты іргетас қалыптастыру – бұл Freedom QJ League басшылары Тимур Турлов пен Рохус Шох белгілеген басты басымдықтардың бірі. Осы мақсатта біздің спорттық-сараптамалық блогымыз жүйелі түрде футболшылар мен бапкерлерді бақылап, оларды сүйемелдейді, соның ішінде цифрлық құралдарды пайдаланады.

Сондықтан біз Sport Consulting Forum негізінде жатқан идеяларды толық қолдаймыз. Қайрат Қайруллинович Закирьянов елімізде 2044 жылы атап өтілетін Қазақ спорт және туризм академиясының 100 жылдығына дейін әлемнің жетекші орталықтарымен бәсекелесе алатын заманауи білім беру және ғылыми-спорттық базаны құруды мақсат етіп қойды. Жоспар бойынша тәжірибелі мамандар жетекшілік ететін, спортшылар тұрып, жаттығатын ірі академия салу көзделіп отыр.

Презентация өте жоғары деңгейде өтті. Жас спортшылармен тәжірибе бөлісіп, өз саласының аңыз тұлғаларымен жүздескеніме қуаныштымын.

Мен үшін Конфуций орденімен марапатталу және Sport Consulting Forum аясында футбол бағыты бойынша құрметті жетекші болып сайлану – үлкен мәртебе.

Жаңа бірлестікке қолымнан келгенше көмектесуге әрдайым дайынмын және бұл бастамалар Қазақстаннан жаңа олимпиада чемпиондарын тәрбиелеуге ықпал етеді деп сенемін. Біздің ел – спорттық мемлекет, бізде талант ешқашан жетіспеген. Ең бастысы – оларға қажетті жағдай жасау.