Fantasy QJ League: ЖИ 20-турға оңтайлы құрам ұсынды

Fantasy QJ League аясында әр ойын аптасының қорытындысы бойынша ең үздік құрам жасақтаған қатысушылар COPA.KZ дүкенінен 20 000 теңгелік сертификат алады. Сондықтан бұған дейін жарысқа қатыспағандар да дәл қазір қосылып, апта сайын жүлде үшін таласа алады.

Құрам таңдауда қиналып жүрген қатысушыларға алдағы 20-турға жасанды интеллект жасақтаған құрамды назарға алуды ұсынамыз. ЖИ өз таңдауын матчтар күнтізбесіне, футболшылардың алдыңғы турлардағы статистикалық көрсеткіштеріне және 100 Freedom-Coins бюджетіне сүйене отырып жасады.

Тактикалық схема: 5-3-2.

Қақпашы: Даниил Нуржанов («Тобыл», 5.0).

Қорғаушылар: Алихан Абди (вице-капитан, «Қайрат», 7.0), Марлен Амренов («Қайрат», 7.0), Руслан Джетенов («Тобыл», 5.5), Данияр Каси (ҚФФ академиясы, 5.5), Абылай Жубанов («Қайсар», 5.0).

Жартылай қорғаушылар: Сұлтанәлі Өміртай («Қайсар», 6.0), Алихан Жұмабек («Қайрат», 7.5), Расул Акимов («Шахтер», 10.0).

Шабуылшылар: Әділбек Тұрдах (капитан, «Ордабасы», 9.0), Мәди Жеңісұлы («Қайсар», 5.5).

Қосалқы құрам: Алдияр Смағұлов (ҚР, «Ертіс», 5.0), Назар Захарченко (ҚР, «Тобыл», 6.0), Ділшод Назымбеков (ШБ, «Ордабасы», 7.5), Әмірхан Құрбанов (ҚП, «Ордабасы», 5.5).

ЖИ таңдауының негіздемесі: «Құрамды жасақтау кезінде мықты командалардың осы турдағы ең осал қарсыластарымен кездесетін матчтарына басымдық берілді. «Қайрат» «Жас Қыранға» қарсы Алматы дербиін өткізеді, сондықтан командаға басқа қалаға барудың қажеті жоқ. Чемпионат көшбасшысы 19 турда небәрі 6 гол жіберіп, 13 матчта қақпасын құрғақ сақтады. Сол себепті құрамға қорғаушылар Алихан Абди мен Марлен Амренов, сондай-ақ жартылай қорғаушы Алихан Жұмабек енгізілді.

«Қайсар» өз алаңында «Ертісті» қабылдайды. Павлодарлықтар сырт алаңдағы бір матчта орта есеппен 4,2 гол жіберіп алады. Бұл – лигадағы ең нашар көрсеткіш. Сондықтан құрамға қорғаушы Абылай Жубанов, жартылай қорғаушы Сұлтанәлі Өміртай және шабуылшы Мәди Жеңісұлы таңдалды. «Ордабасы» өз алаңында «Таразбен» кездеседі. Тараздықтар сырт алаңда бір матчта орта есеппен 2,3 гол жіберіп алады. Ал «Тобыл» «Ақтөбені» қабылдайды. Қостанайлықтар өз алаңында бір ойынға орта есеппен дәл бір гол жіберіп келеді. Қақпашы Даниил Нуржанов сейвтер саны бойынша лигада көш бастап тұр (88), ал қорғаушы Руслан Джетенов осы маусымда бір минут та алаңнан тыс қалған жоқ.

Капитан ретінде «Ордабасы» шабуылшысы Әділбек Тұрдах таңдалды. Ол осы маусымда 13 гол соқты және алаңға шыққан соңғы төрт матчтың әрқайсысында гол соғып немесе нәтижелі пас беріп көзге түсті. Вице-капитан болып «Қайрат» қорғаушысы Алихан Абди тағайындалды. Оның еншісінде 4 гол бар, ал командасы қарсыластарына гол соғуға өте сирек мүмкіндік береді».

Еске саламыз: ЖИ қателесуі мүмкін, ал кез келген матч күтпеген нәтижемен аяқталуы ықтимал. Сондықтан жүлде үшін күресте басымдыққа ие болу үшін өз талдауыңызды жүргізіп, қажет болса, құрамға өзгерістер енгізуді ұсынамыз.

МАҢЫЗДЫ: Футболшыларды таңдағаннан кейін құрамды сақтауды ұмытпаңыз! Ауыстырулар санына шектеу жоқ – әр тур арасында құрамды еркін өзгерте аласыз.

Маусым жеңімпазы iPhone 17 иеленеді. Ал екінші және үшінші орын алған қатысушыларға тиісінше PlayStation 5 пен Apple Watch табысталады.

Сонымен қатар фэнтези-турнирдің Telegram желісінде арнайы чаты бар. Онда жаңадан қосылған қатысушыларға көмектесуге дайын жүздеген адам жиналған.

Fantasy QJ League: құрамыңызды жасақтап үлгеріңіз!