Fantasy QJ League: Данияр Қаси – турдың жұлдызы!

Еске саламыз, Fantasy QJ League аясында әр ойын аптасының қорытындысы бойынша ең үздік құрам жасақтаған қатысушылар COPA.KZ дүкенінен 20 000 теңгелік сертификат алады. Бұл жолы ең көп ұпай жинаған құрамды Atos есімді қолданушы жасақтады.

Бұл нәтижеге қол жеткізуде ҚФФ Академиясының қорғаушысы Данияр Қаси шешуші рөл атқарды. Ол допты 15 рет қайтарып алып, бір гол соқты. Командасының «Астананы» 4:0 есебімен қақпасына гол жібермей жеңгенін ескерсек, бұл көрсеткіштер футболшыға фэнтези-турнирде 15 ұпай әкелді. Лиганың спорттық-аналитикалық бөлімі Даниярды өткен турдың үздік ойыншысы деп танығаны да кездейсоқ емес.

Сонымен қатар Atos «Қайсардың» қорғаушысы Мейіржан Мирамбековті вице-капитан етіп тағайындау арқылы 14 ұпай жинады. «Шахтердің» жартылай қорғаушысы Расул Акимов турға қатыспағандықтан, капитандық белгі «қасқырлардың» қорғаушысына өтті.

Акимовтың алаңға шықпауы Atos-қа «Ордабасының» шабуылшысы Ділшод Назымбековті бірінші қосалқы ойыншы ретінде таңдағаны үшін де ұпай алуға мүмкіндік берді. Ол «Таразға» қарсы матчта гол соғып, нәтижелі пас берді. Нәтижесінде қолданушы қоржынына тағы 9 ұпай түсті. ҚФФ Академиясының қақпашысы Мирдиер Мирахматов та дәл осынша ұпай әкелді.



Жасанды интеллект 20-турға жасақтаған құрам ойын аптасының қорытындысы бойынша 71 ұпай жинады.

Маусымның жалпы есебінде Plescavica_Team (1428) көш бастап тұр. Екінші орында olegforwards (1401) орналасса, үздік үштікті V26 (1380) түйіндейді.

Маусым жеңімпазы iPhone 17 иеленеді. Ал екінші және үшінші орын алған қатысушыларға тиісінше PlayStation 5 пен Apple Watch табысталады.

Бұған дейін жарысқа қатыспағандар да дәл қазір қосылып, апта сайын COPA.KZ дүкенінің сертификаты үшін таласа алады. Сонымен қатар фэнтези-турнирдің Telegram желісінде арнайы чаты бар. Онда жаңадан қосылған қатысушыларға көмектесуге дайын жүздеген адам жиналған.

Fantasy QJ League: құрамыңызды жасақтап үлгеріңіз!