Лиганың ресми фэнтези-турнирінде маусымның үздік қатысушыларына тартымды жүлделер қарастырылған. Сонымен қатар әр турдың жеңімпазы да бағалы сыйлыққа ие болады.
Fantasy QJ League жарысында әр ойын аптасының қорытындысы бойынша үздік құрам иелері COPA.KZ ұсынған 20 000 теңгелік сертификатқа ие болады. Сондықтан жарысқа бұған дейін қатыспағандар да дәл қазір қосылып, апта сайын жүлде үшін таласа алады.
Ал таңдау жасауға қиналып жүргендерге алдағы 16-турға ЖИ құрастырған құрамға назар аударуды ұсынамыз. Жүйе ойыншыларды матчтар күнтізбесін, алдыңғы турлардағы статистикалық көрсеткіштерін және 100 Freedom-Coins бюджетін ескере отырып таңдады.
Қақпашы: Даниил Нуржанов («Тобыл», 5.0).
Қорғаушылар: Тарлан Ербулатов («Қайрат», 6.0), Мансур Авасханов («Қайрат», 6.5), Мейржан Серик («Астана», 5.5).
Жартылай қорғаушылар: Рамазан Амангельдыев («Каспий», 5.0), Амандык Хамидуллин (вице-капитан, «Астана», 6.5), Куандык Хамидуллин («Астана», 7.0), Аян Аманжулов («Ақтөбе», 7.5), Ернар Парда («Қайсар», 6.5).
Шабуылшылар: Даулет Орынбасар (капитан, «Қайрат», 11.0), Адилбек Турдах («Ордабасы», 9.0).
Қосалқы құрам: Мади Женисулы (ШБ, «Қайсар», 5.5), Руслан Джетенов (ҚРҒ, «Тобыл», 5.5), Рахат Джиенбаев (ҚРҒ, «Каспий», 5.0), Раимбек Байдюсенов (ҚҚ, «Каспий», 4.5).
Негіздеме: «Тур құрамының негізі маусым статистикасы ең болжамды сценарийді көрсетіп тұрған екі матчқа сүйеніп жасалды: Академия КФФ – «Қайрат» және «Астана» – «Ертіс».
Қақпашы «Тобыл» – «Шахтер» матчынан таңдалды: екі команда да лигадағы нәтижелілігі ең төмен ұжымдардың қатарына кіреді. Бұл қақпаны құрғақ сақтап, сейвтер үшін ұпай жинау мүмкіндігін арттырады. Тактикалық схема – 3-5-2. Негізгі екпін барлық статистикалық санаттарда ұпай жинайтын жартылай қорғаушыларға жасалды».
Еске саламыз: ЖИ қателесуі мүмкін, ал кез келген матч сенсациямен аяқталуы ықтимал. Сондықтан өз талдауыңызды жасап, жүлде үшін күресте артықшылыққа ие болу үшін қажет болса құрамға өзгерістер енгізуді ұсынамыз.
МАҢЫЗДЫ: Ойыншыларды таңдағаннан кейін құрамды сақтауды ұмытпаңыз! Ауыстыру саны шектелмеген – турлар арасында ойыншыларды еркін ауыстыруға болады.
Маусым жеңімпазы iPhone 17 алады, ал екінші және үшінші орын иелеріне тиісінше PlayStation 5 және Apple Watch табысталады.
Фэнтези-турнирдің Telegram-да жеке чаты да бар – онда жаңадан қосылғандарға көмектесуге дайын 300-ден астам қатысушы жиналған. Қосылып, ұзақ әрі қызыққа толы маусымның бір бөлігі болыңыз!
Fantasy QJ League: құрамды жинап үлгеріңіз!
