Fantasy QJ League: төртінші маусым командаларындағы ең қымбат ойыншылар

Еске салайық, Fantasy QJ League — бұл қатысушылар флагман турнир футболшыларынан виртуалды команда жасақтайтын ойын. Олардың шынайы прототиптері алаңда қалай өнер көрсетсе, әр тур қорытындысы бойынша пайдаланушылар да соған сай ұпай жинайды.

Бір ойыншыны капитан етіп тағайындау керек — ол екі еселенген ұпай алады. Сондай-ақ оның орынбасары болады: егер капитан алаңға шықпай қалса, мультипликатор соған өтеді.

Бастапқыда әр қолданушыға 100 Freedom-Coins беріледі. Осы қаржыны сауатты пайдалана отырып, алдағы турда өзін жарқын қырынан көрсетуі тиіс 15 футболшыдан тұратын команда жасақтау қажет.

Алдағы маусымға қатысатын әр командадағы ең қымбат ойыншылармен таныстырамыз.

ҚФФ Академиясы — шабуылшы Дінұр Қабыл (10 Freedom-Coins)

«Ақтөбе» — жартылай қорғаушы Даниал Еримбет (8.5 Freedom-Coins)

«Астана» — шабуылшы Арсен Испанов (7.5 Freedom-Coins)

«Жас Қыран» — қақпашы Рамазан Байрамов және жартылай қорғаушы Мовафи Махмуд Надер (9 Freedom-Coins)

«Ертіс» — жартылай қорғаушы Руслан Рахметов (8.5 Freedom-Coins)

«Қайрат» — жартылай қорғаушы Абылай Төлеухан (12 Freedom-Coins)

«Қайсар» — шабуылшы Жайсан Сламбеков және жартылай қорғаушы Сұлтанәлі Үміртай (6.5 Freedom-Coins)

«Каспий» — шабуылшы Ануар Ұзақбай (6.5 Freedom-Coins)

«Ордабасы» — қақпашы Ернұр Әбілқарыс, шабуылшылар Адият Отарбек және Әділбек Тұрдах (9 Freedom-Coins)

«Тараз» — жартылай қорғаушы Зият Баубек (10 Freedom-Coins)

«Тобыл» — жартылай қорғаушы Тимур Бегалин және шабуылшы Иван Лемешев (6.5 Freedom-Coins)

«Шахтер» — шабуылшы Илья Гезик (11 Freedom-Coins)

МАҢЫЗДЫ: Ойыншыларды таңдағаннан кейін құрамды сақтауды ұмытпаңыз! Ауыстырулар шектелмеген — оларды турлар арасында еркін жасауға болады.

Өткен жылдағыдай, әр ойын уик-эндінің үздік құрамы үшін қатысушылар Лиганың серіктесі — COPA.KZ ұсынатын 20 000 теңгелік сертификатқа ие болады. Маусым жеңімпазы iPhone 17 ұтып алады, ал екінші және үшінші орын иелеріне тиісінше PlayStation 5 пен Apple Watch табысталады.

Fantasy QJ League-тің Telegram-дағы өз чаты бар — онда жаңадан қосылғандарға көмектесуге дайын 250-ден астам қатысушы жиналған. Қосылыңыз және ұзақ та тартысты маусымның бір бөлігіне айналыңыз!

Fantasy QJ League: ең тиімді құрамды жинап үлгеріңіз!