QJL All Star туралы сериалдың финалы – Freedom Media арнасында!

Әрбір ойын сәтінің артында тек футболшылар мен жаттықтырушылар ғана емес, ондаған адамның бірнеше айлық еңбегі жатыр.

Freedom QJ League тарихындағы алғашқы деректі сериал көрерменді бірнеше айға созылған оқиғаның арғы жағына жетелейді – ойыншылар, жаттықтырушылар және Лиганың мамандары қалайша біртіндеп, кірпіштен қалағандай, мүмкін емес көрінген мақсатқа жету үшін команда құрғанын өздері айтып береді.

Қорытынды, жетінші эпизодта көрермен көптен күткен кульминацияға куә болады – Қазақстанның түкпір-түкпірінен жиналған жас дарындардың испандық алпауыт клубпен футболдағы текетіресі. Эпизодты Freedom Media-дан көруге болады.