Freedom QJ League өкілдері жұмыс сапарымен Ақтауға барды

Каспий теңізінің жағалауындағы қалаға Лиганың атқарушы директоры Александр Орлов пен спорттық-аналитикалық бөлімнің жетекшісі Арсен Инкарбеков келді. Олар жергілікті футбол инфрақұрылымымен танысып, бірқатар жұмыс кездесулерін өткізді.

Маңғыстау облысының дене шынықтыру және спорт басқармасында Лигаға жан-жақты қолдау көрсетілетіні айтылды, ал жасөспірімдер командаларының бапкерлері жарыстың басталуын асыға күтетіндерін жеткізді.

«Каспий» клубының қызметкерлерін лицензиялауға қатысты кейбір сәйкессіздіктер анықталды. Оларды жақын арада жою жоспарланып отыр.

Сондай-ақ, Лига делегациясы BS Arena спорт кешеніне барып, тексеріс нәтижесінде оның матчтарды қабылдауға дайындық деңгейін жоғары бағалады.

Еске сала кетейік, өткен маусым қорытындысы бойынша «Каспий» U-18 және U-17 чемпионаттарында жетінші орын алды.