Freedom QJ League U-17, U-16, U-15: «Ордабасы» «Қайратқа» қалай мәселе тудырды

Турдың басты сенсациясы — «Қайраттың» бірден екі командасының (U-17 және U-15 турнирлерінде) ұпай жоғалтуы болды. «Ордабасымен» өткен бұл екі матч та 1:1 есебімен аяқталды.

 

«Сары-қаралардың» 2012 жылғы тәрбиеленушілері үшін бұл тең ойын айтарлықтай ауыр зардап әкеле қойған жоқ — олар әлі де көш бастап тұр, ал ең жақын ізбасары («Тобыл») да ұпай жоғалтты («Ертіспен» 1:1). Есесіне, Милан Надрышиннің жалғыз голының арқасында «Астананы» тізе бүктірген «Ақтөбе» қостанайлықтарға жақындап қалды. Енді алматылықтардың қайтадан жеңіс жолына түсуге уәждері (мотивациясы) өте жоғары болады — себебі екі бәсекелесінен арақашықтық бар-жоғы үш ұпайды құрайды.

 

Ал U-17 командасына келетін болсақ, мұнда жағдай әлдеқайда күрделірек — «Ордабасымен» тең түсу «Қайратты» «Шахтердан» екі ұпайға артта қалдырды. «Кеншілер» өз матчында оңай болмаса да жеңіске жетті («Қайсармен» 2:1) — және енді олар 21 ұпайдан 21 ұпай жинаған турнирдегі жалғыз команда болып қала бермек. Бұдан бөлек, алматылықтар «Ордабасыдан» басымдығын арттыра алмады — үшінші орында келе жатқан шымкенттіктер небәрі екі ұпай ғана артта келеді. Төртінші сатыдағы команда — «Каспиймен» кездесуде жеңіске жеткен «Жас Қыран» да «Қайраттан» тек үш ұпай ғана қалып тұр.

 

Өткен турда жеңіске жеткен «Қайраттың» жалғыз кіші командасы — U-16 құрамы. «Ордабасыдағы» қатарластарынан Рахат Күлшманов пен Қайсар Әнуарбектің жауапсыз соққан голдары жеңіс алып келді. Дегенмен, бұл жаста «сары-қаралар» 3-турда «Ақтөбемен» тең ойнағаннан кейін «Шахтердан» қалып қойғанын еске сала кетейік. Өткен демалыс күндері «кеншілер» тартысты бәсекеде «Қайсарды» жеңіп, чемпионатта үстемдік етуін жалғастыруда.

 

7-турдан кейінгі үздік сұрмергендер

Freedom QJ League U-17: Тамерлан Сарсымбаев («Қайрат», 8 гол);

Freedom QJ League U-16: Балахмет Әділбек («Тобыл», 7 гол);

Freedom QJ League U-15: Артур Гарифуллин («Тобыл», 11 гол).

 

7-турдан кейінгі үздік ассистенттер

Freedom QJ League U-17: Темірлан Әбжапар («Қайрат», 5 ассист);

Freedom QJ League U-16: Дамир Әлібаев («Тобыл», 5 ассист);

Freedom QJ League U-15: 4 ойыншы 4 ассистен жасады.