Freedom QJ League W: маусым аяқталды!

Пьедесталда – «Қайрат», «Астана» және «Ертіс»!

Алматылық футболшы қыздар чемпионатты 12-турда-ақ досрочно жеңіп алған еді, ал енді «Тобылды» (3:0) ұтып, тағы бір әсерлі жетістікке қол жеткізді: 14 ойын – 14 жеңіс. Голдарды Ангелина Остер, Жания Махаш және Ару Ермағамбетова соқты.

Күміс және қола жүлдегерлер, өз кезегінде, тек соңғы турда анықталды.

«Ертіс» шешуші матчта «Ақтөбені» жеңді. Барлық мәселе бірінші таймда шешілді – үзіліске дейін Елизавета Медведева, Полина Арланова және Айсана Ахмедиян көзге түсті. Екінші таймда «қызыл-ақтар» Алиа Саматтың голының арқасында бір допты қайтарды, ал соңғы минуттарда павлодарлық команда жартылай қорғаушысы Сабина Айтжанова автогол соғып алды. Соған қарамастан, матч нәтижесі өзгермеді – 3:2 солтүстікқазақстандықтардың пайдасында.

Айта кетейік, жеңген жағдайда «Ақтөбе» қола жүлдеге ие болар еді. Бірақ турнир кестесінде батыс командасы бесінші орында қалды. Оларды «Ордабасы» озып кетті – «Жетісуді» 6:0 есебімен ұтты. Балсезім Тәліпбай дубль жасап, екі нәтижелі пас берді. Ал талдықорғандық клуб маусымды ұпайсыз аяқтады.

«Ертіс» жеңгенімен, «Астананы» басып оза алмады. Себебі елордалық команда үш бірдей жеңілістен кейін Қарағандыда аса маңызды жеңіске жетті – 4:3.

«Шахтермен» болған тартысты әрі нәтижелі ойында басты қаһарман Софья Рыбак болды – ол екі гол соғып, бір голға пас берді. Нәтижесінде елордалық команда 0:2 есебінен қайтып келіп, күміс жүлдені иеленді.

Жеке көрсеткіштер

Турнирдің үздік сұрмергені – «Қайрат» шабуылшысы Милена Николенко (24 гол).

Үздік ассистент – оның әріптесі Жания Махаш (22 пас), ол сондай-ақ «гол+пас» жүйесінде ең үздік нәтиже көрсетті – 33 ұпай.

Маусымда ең көп минут өткізгендер (1260): Алина Сартаева («Тобол»), София Яшкова («Қайрат»), Назым Құлетова («Ақтөбе»), Анастасия Гордеева («Ертіс») және Әлзия Жамбыл («Астана»).

Қақпашылар ішінде ең көп сейв жасағандар:

Каракат Биғазиз («Ақтөбе», 11 ойын, 76 сейв, 31 жіберілген доп, 1 «құрғақ» матч),

Айым Диханбай («Шахтер», 14 ойын, 74 сейв, 45 жіберілген доп, 1 «құрғақ» матч),

Сабина Үсен («Ордабасы», 14 ойын, 70 сейв, 22 жіберілген доп, 5 «құрғақ» матч).