Глеб Макридов: «Клубқа көмектесе алғаныма және еңбегімнің бағаланғанына қуаныштымын»

Еске салайық, Глеб биыл 19 матчта 19 гол соғып, флагмандық турнирдің үздік бомбардирі Даулет Орынбасардан небәрі бір голға қалып қойды. Сондай-ақ оның еншісінде 10 нәтижелі пас бар.

Глебтің ең нәтижелі ойындары «Қайсарға» қарсы өтті: 9-турда ол 2+2 орындаса, 20-турдағы қайта кездесуінде хет-трик және бір ассист жасады.

Бұған қоса, Макридов Лиганың флагмандық турнирінде тарихи рекорд орнатты: ол 4 502 минут ойнап, 39 нәтижелі әрекет («гол+пас») жасады. Бұл көрсеткіш бойынша ол «Қайрат» ойыншысы Дастан Сатпаевты басып озды.

Changan MVP of the Season иегері ретінде Глеб шетелдік клубта тағылымдамадан өту мүмкіндігін алды.

– Лига тарихында ең көп минут ойнау, «гол+пас» бойынша рекорд орнату және Changan MVP of the Season атағын алу қандай сезім сыйлады?

– Мен рекордтарды қумадым, бәрі өз жолымен келді – тұрақты жұмыс пен командалық сенімнің нәтижесі. Клубқа көмектесе алғаныма және еңбегімнің бағаланғанына қуаныштымын.

– Шетелдік клубтағы стажировкадан не күтесің?

– Жаңа деңгей, жоғары талаптар және басқа орта. Көп нәрсе үйреніп, әрі қарай өсуге дайын екенімді көрсеткім келеді.

– Үш жылда сен үшін ең маңызды болған үш сәтті аташы.

– Есте қалатын үш сәт – негізгі құрамға шығу, «гол+пас» рекорды орнаған матч және Changan MVP of the Season марапаты.

– «Шахтердағы» қай ойыншылармен ерекше ойындық немесе жеке химия қалыптасты?

– Бірнеше жігітпен жақсы түсіністік: әсіресе Роман Асылбаевпен, Руслан Белобородыймен және Илья Гезикпен.

– Биыл сен кіші жас санатындағы ойыншылармен де бірге ойнадың. Командадан да, қарсыластардан да кімдерді атап өтесің?

– Дарынды балалар көп. Жауапкершілікті алып, мінез көрсетуден қорықпайтындарын атап өтемін. Олар міндетті түрде өседі.

– Бұл Лигадағы сенің соңғы маусымың болды. Алдағы жоспар қандай?

– Дами беру, стажировка беретін мүмкіндікті тиімді пайдалану және кәсіби деңгейге қарай қадам жасау.

Үш жыл бойы қолдау көрсеткендердің бәріне – бапкерлерге, командаға, отбасым мен жанкүйерлерге – үлкен рақмет. Бұл мен үшін өте маңызды.