Игорь Шпанера: «Алдағы маусымда Лигада 2010 жылы туған жасөспірімдер ойнауды бастайды»

– Алдағы маусымда осы турнирге қатысып жатқан жасөспірімдер Лигада өнер көрсетеді. Сондықтан маусым басталғанға дейін командалармен жақынырақ танысу біз үшін өте маңызды.

Турнир бойы біз әр команданың жаттықтырушылар штабымен жеке кездесулер өткіземіз. Жарыс нәтижелері бойынша даму деңгейі жоғары болуы мүмкін жаттықтырушылардың шағын тобын анықтағымыз келеді. Олармен біз жеке әдістемелік қолдау жұмыстарын жүргіземіз.

Ойыншыларға келетін болсақ, біз оларды жасанды интеллектпен жабдықталған арнайы жүйе арқылы бақылаймыз. Бұл жүйе әрбір футболшының ойынын талдайды. Турнир аяқталғаннан кейін біз де үлкен әлеуетке ие балаларды анықтауды жоспарлап отырмыз.

Болашақта осы футболшылар үшін жеке дайындық бағдарламасын әзірлеп, іске асырамыз. Мақсат – жыл соңына дейін жоғары деңгейлі, жақсы дағдылары бар ойыншыларды дайындау, өйткені болашақта олар ұлттық құрамаларымыздың ойыншыларына айналады.