«Қайрат» «Шахтерді» жеңсе, «Астана» көшбасшыдан басым түсті

Алғашқы ойын күні турнир көшбасшылары «Оңтүстік» сырт алаңда «Астанадан» ұпай жоғалтты. Бірінші таймда елордалық команда қарсыластар қақпасына жауапсыз екі доп дарытты. Алдымен 21-ші минутта Тәңірберген Таңабаев бұл маусымдағы алғашқы добын соқса, араға он бес минут салып шабуылшы дубль иесі атанды. Осылайша тайм нәтижесі 2:0, «Астана» алда.

 

Үзілістен кейін жарыс көшбасшылары ретінде «Оңтүстік» ойыншылары шабуылға дең қойды. Алайда, бұл шабуылдар өкінішке қарай, нәтижесін тым кеш берді. 81-ші минутта ойынның бас төрешісі Алихан Жанай қорғаған қақпаға пенальти добын белгілеп, нәтижесінде, Маралхан Бегалы нүктеден мүлт кетпеді. Деседе есепті теңестіруге алаң қонақтарының қауқары жетпеді – 2:1, жеңісті үш ұпай «Астана» еншісінде.

 

«Астана» – «Оңтүстік» 2:1 (2:0)

Голдар: Танабаев Тәңірберген, 21 (1:0), Танабаев Тәңірберген, 37 (2:0), Бегалы ​​Маралхан – пенальтиден, 82 (2:1)

«Астана»: Жанай Әлихан; Сокол Илья; Рақышев Әділбек; Таушев Мұса; Төкен Айтуар (Асқар Тамерлан, 77); Ахтанбеков Нариман; Серіков Нұрәділ; Жұмабай Арсен (Қанатбек Әлімхан, 62); Алтаев Алдияр (Омарғазин Әлихан, 77); Жұмаделов Нұрбол; Танабаев Тәңірберген (Сарсембинов Әділжан, 87)

Қосалқы құрам: Төленді Әбілмансұр; Мергенбай Мадияр; Закиров Самир

«Оңтүстік»: Байғамбетов Сапарғали; Батыр Ибраһим; Сағындық Нұрболат; Сәкенұлы Алтынбек; Үсен Аллаберген (Эркінбай Жавохир, 53); Бегалы ​​Ерсайын (Шымырхан Сұлтан, 72); Мәдібек Мәди (Желдібаев Дінмұхамед, 53); Нұрәлі Өркен; Сәрсенбай Ерасыл; Бегалы ​​Маралхан; Мыңбай Әділет (Арғынбай Нұрлыбек, 63)

Қосалқы құрам: Аманбаев Ердәулет; Исабай Бекмұхамет; Анапия Қуаныш

Ескертулер: Сағындық Нұрболат, 41; Жұмабай Арсен, 45; Төкен Айтуар, 50; Мыңбай Әділет, 65; Ахтанбеков Нариман, 73; Жанай Әлихан, 87; Нұрәлі Өркен, 90; Рақышев Әділбек, 94; Сәрсенбай Ерасыл, 94

Төреші: Омаров Рустам

27.05.2023. 6-тур. Астана. «Астана Арена» стадионы. 146 көрермен.

 

 

«Ордабасы» мен «Қайсар» жеңімпазды анықтамады. Командалар бұл ойынды қорғаныста сауатты ойнап бастады. Осылайша алғашқы гол, тайм аяқталар сәтте соғылды. «Қайсардың» үздік шабуылшысы Дінмұхаммед Рүстемұлы ойын тізгінін өз қолына алып, керемет гол авторы атанды. Аяқдопшының бұл добы аға жерлесі Асхат Тағыбергеннің стилінде бағытталды десек артық айтқанымыз емес.

 

Екінші таймда ойын өрнегі еш өзгермеді. Бұл кездесу қонақтардың жеңісімен аяқталады-ау деген ойда болған жанкүйерлердің пікірін, «Ордабасы» капитаны Бағлан Нұрбосынов тек 80-ші минутта есепті теңестіріп өзгертті. 1:1 – командалар жеңімпазды анықтамады.

 

«Ордабасы» – «Қайсар» 1:1 (0:1)

Голдар: Рүстемұлы Дінмұхаммед, 41 (0:1), Нұрбосынов Бағлан, 80 (1:1)

«Ордабасы»: Мүтәліп Сырым; Нұрбосынов Бағлан; Зұлпықар Нұрперзент (Бәкіров Саят, 90); Тұрлыбек Әзіретсұлтан; Саидов Сардар (Рахматулла Абылайхан, 66); Әмір Жасұлан; Алтынбеков Диас (Бердібеков Бауыржан, 81); Сайдивалиев Миржалол (Айту Хансұлтан, 66); Ниязқұлов Бекнұр (Мелсұлы Алмат, 81); Мулажанов Диербек (Асатулла Асылжан, 76); Аманжол Жаснұр (Еркенбек Шерхан, 66)

«Қайсар»: Уәлихан Арман; Жетпісбай Мақсат; Дәулетбаев Ислам; Серік Азат; Батырбек Сержан (Жахмуров Саят, 89); Бөрібай Алмаз; Рүстемұлы Дінмұхаммед (Қайырбек Мансұр, 90); Абызбай Думан (Медеу Бексұлтан, 61); Аққозы Асылжан; Назар Данияр; Абжами Мақсат (Сабирдин Расул, 70)

Қосалқы құрам: Жақсылықұлы Бексұлтан; Сыздықов Тимур; Самитов Ғалым

Ескертулер: Зұлпықаров Нұрперзент, 18; Тұрлыбек Әзіретсұлтан, 33; Бөрібай Алмаз, 62; Мулажанов Диербек, 75; Назар Данияр, 79

Төреші: Утробин Никита

27.05.2023. 6-тур. Шымкент. БИІК стадионы. 108 көрермен.

 

 

Кеншілер астанасында «Шахтер» алматылық «Қайрат» командасын қабылдады. Ойын футбол сүйер қауымды жаңбырша жауған голдармен қуанта білді. Алайда, жергілікті жанкүйерлерді емес. Алматылық «Қайрат» қарсылас қақпасына жауапсыз алты доп дарытып, Freedom QJ League тарихындағы ең ірі жеңіске қол жеткізді. Сондай-ақ, төрт гол соққан Рамазан Бағдат Қазақстан жасөпірімдер лигасының жаңа тарихындағы алғашқы «покер» авторы атанды.

 

Бірінші тайм нәтижесі бойынша, жеңімпаз кім болады деген сауал көпті мазаламады десек артық айтқанымыз емес. Жоғарыда айтып өткен Рамазан алдымен 12-ші минутта командасын алға шығарса, араға бірнеше минут салып есепті еселеді. Мұнымен «сары-қара» жиделі ойыншылар шабуылдағы белсенділіктерін азайтпады. Қосымша уақытта «Қайрат» капитаны Алихан Исраилов айырмашылықты үш допқа дейін жеткізді – 0:3.

 

Бұл кездесуді Рамазан Бағдат атындағы ойын деп те айтуға болады. Екінші таймда тағы қос гол соққан бұл шабуылшы нәтижелі пас беріп тағы көзге көрінді. Осылайша, Рамазанның пасынан кейін гол соққан Диас Төлеу ойын нүктесін қойып кездесу 0:6 есебімен аяқталды. Алматылық «Қайрат» жарыстағы ең ірі жеңіске қол жеткізіп, бүгінде турнир кестесінің көшін бастап келеді.

 

«Шахтер» – «Қайрат» 0:6 (0:3)

Голдар: Бағдат Рамазан – пенальтиден, 12 (0:1), Бағдат Рамазан, 33 (0:2), Исраилов Алихан, 45+1 (0:3), Бағдат Рамазан, 64 (0:4), Бағдат Рамазан, 68 (0:5), Төлеу Диас, 90+4 (0:6)

«Шахтер»: Нұрғалиев Нұралы (Маратов Әлібек, 75); Ділмұрат Мансур (Кемалов Игорь, 85); Ділмұрат Мирас; Жанхаев Рустам; Рахметоллаев Марлен (Горячий Владимир, 65); Чернобук Богдан; Әбішев Илнұр (Бүркітбаев Ерасыл, 46); Макридов Глеб (Төлеуов Сұлтан, 75); Семиониди Александр (Асылбаев Роман, 46); Тұтқабаев Ерлан (Леонов Эмиль, 61); Холод Максим

«Қайрат»: Меңдіғалиев Ильдар (Қалмурза Шерхан, 81); Бижан Асқар; Исраилов Алихан; Саидов Елхан (Махаметжан Кәрім, 73); Молдахмет Елжан (Землянский Илья, 73); Тұрдыбаев Нұркен; Байбек Олжас (Тәжікенов Сұлтан, 81); Дүйсенбек Шыңғыс (Мұрат Дамир, 65); Бағдат Рамазан; Валгушев Глеб (Төлепберген Әнуар, 73); Нұрбекұлы Әлібек (Төлеу Диас, 65)

Ескертулер: Меңдіғалиев Ильдар, 55; Тұрдыбаев Нұркен, 86; Кемалов Игорь, 93

Төреші: Попов Сергей

27.05.2023. 6-тур. Қарағанды. «Шахтер» стадионы. 176 көрермен.

 

 

«Қайрат» рекордын жерлестері келесі күні-ақ қайталай білді. «Жас Қыран» өз алаңында павлодарлық «Ақсуды» ойсырата ұтты. Бірінші таймда алматылық команда қарсыластар қақпасына жауапсыз төрт доп дарыта білді. Алдымен кездесудің жиырмасыншы минутында Алан Адахаев есеп ашса, араға уақыт салып үш минут ішінде қос гол соққан Әмір Алихан матч қаһарманы атанды десек артық айтқанымыз емес. Үзіліске дейін Руслан Захаров есепті 4:0 дейін жеткізді.

 

«Ақсу» қақпасын қорғаған Александр Наактың бұл күні жұлдызы жанбады. Екінші таймда кезекті мәрте көзге көрінген Әмір Алихан хет-трик авторы атанды. Ал ойын нүктесін Низамидинов қойды. Есеп 6:0 – жеңісті үш ұпай «Жас Қыран» еншісінде.

 

«Жас Қыран» – «Ақсу» 6:0 (4:0)

Голдар: Адахаев Алан, 20 (1:0), Алихан Амир, 32 (2:0), Алихан Амир, 36 (3:0), Захаров Руслан, 42 (4:0), Алихан Амир, 53 (5:0), Низамидинов Ислам, 86 (6:0)

«Жас Қыран»: Ли Александр; Захаров Руслан (Адылханов Тамерлан, 79); Суржанский Артем; Тимур Құрбанов (Муталипов Әділ, 61); Мансұров Әмір; Мұхаметәлі Хамза (Абайдуллаев Ильдар, 79); Керім Тамерлан; Адахаев Алан (Есжан Едіге, 79); Веремеев Илья; Мұсаев Эмин (Масудов Супян, 79); Әлихан Әмір (Низамидинов Ислам, 61)

Қосалқы құрам: Ванков Давид

«Ақсу»: Наак Александр; Бекжанов Әлішер (Пищида Давид, 58); Жанат Ислам; Базарбаев Нұрәлі (Стеблюков Максим, 46); Қасайын Абай (Грытынюк Роман, 81); Қуандық Тамерлан (Қадыров Әділжан, 75); Юсупов Ерасыл; Қалым Дастан; Байдрахманов Ерасыл (Богданов Владислав, 58); Дүйсеков Ерназар; Нұрлан Әлхам (Саудегеров Айдын, 81)

Қосалқы құрам: Қабдыркен Жәнібек

Ескертулер: Бекжанов Әлішер, 15; Богданов Владислав, 81

Төреші: Ноженко Сергей

28.05.2023. 6-тур. Алматы. «Жас Қыран» стадионы. 181 көрермен.

 

 

Таразда өткен ойынның бірінші таймында командалар қорғаныста абай ойнап, шабуылға аса дең қоймады. Нәтижесінде кездесудің бірінші бөлігінде есеп ашылмады – 0:0.

 

Үзілілісте қос бапкер аяқ допшыларына керекті нұсқау бере білген болар. Ойын бір серпіле түсті. Алдымен 55-ші минутта Бейбарс Әбділхай айып добын керемет орындап, қарсыластарын қапы қалдырды. Деседе, алаң иелерінің бұл қуанышы ұзаққа созылмады. Арада он минут өтер өтпес, атыраулықтар есепті теңестіре білді. Гол авторы Кирилл Ковалев. Осылайша 1:1 есебімен командалар тең тарқасты.

 

«Тараз» – «Атырау» 1:1 (0:0)

Голдар: Әбділхай Бейбарыс, 55 (1:0), Ковалев Кирилл, 64 (1:1)

«Тараз»: Жарылқасын Санжар; Өмей Әділет; Бораналиев Әсет; Ерден Азамат; Мадияр Тәңір (Әбіш Мәди, 80); Махмеджан Еділжайық; Жамбыл Мерей (Ізбасар Айбол, 77); Әбділхай Байбарыс; Ералиев Максим (Берік Ермаханбет, 52); Серікұлы Димаш; Кемелбек Санжар (Сәрсенбек Бағжан, 77)

Қосалқы құрам: Құрасбек Диас; Тоқтамыс Байжігіт; Кеңес Тексұлтан

«Атырау»: Талыспаев Дулат; Валерьев Бекарыс (Сайфуллин Сұлтан, 83); Сайдалиев Юсуф; Сұлтанғалиев Дауржан; Жақсылық Берік; Сапарбай Бекзат; Қанат Ербұлан; Жақсылық Бектас (Бекен Нұрдәулет, 58); Бердеш Нұрсейіт; Махсұтов Әкімхан (Серік Әли, 60); Ковалев Кирилл (Құрмет Санжар, 90)

Қосалқы құрам: Жұмаханов Дархан; Хагай Майкл; Жұмақұл Абат

Ескертулер: Серікұлы Димаш, 4; Жақсылық Бектас, 37; Сапарбай Бекзат, 77; Сайдалиев Юсуф, 88; Бекен Нұрдәулет, 95

Алаңнан қуылған: Әбділхай Бейбарыс, 90

Төреші: Богданов Максим

28.05.2023. 6-тур. Тараз. «Жастар» стадионы. 283 көрермен.

 

 

Батыс дербиінде фаворит жеңіске жете алмады. Осыған дейін турнир көшбасында келе жатқан «Ақтөбе» алтыншы тур аясында Ақтауда қонақтады. Бірінші таймды белсенді бастағанымен ақтөбеліктер керекті нәтижиеге қол жеткізбеді. Керісінше қарымта шабуылдардың бірінде «Каспий» есепті ашты. Гол авторы Freedom QJ League үздік сұрмергендерінің бірі Расул Жұмабай – 1:0.

 

Екінші таймды қонақтар шабуылда белсенді бастағаны, көп ұзамай өз нәтижесін бере білді. Аян Байдавлетов есепті теңестірді. Алайда ақтаулықтар өз алаңында оңай шағылатын жаңғақ емес екендіктерін көрсетіп, Аслан Ғабиден командасына жеңіс сыйлады – 2:1. Жеңісті үш ұпай «Каспий» еншісінде.

 

«Каспий» – «Ақтөбе» 2:1 (1:0)

Голдар: Жұмабай Расул, 18 (1:0), Байдавлетов Аян, 58 (1:1), Ғабиден Аслан, 71 (2:1)

«Каспий»: Байжігіт Исатай; Қуаныш Мұхаммед (Силаған Нұржан, 87); Жұмабай Ерлік; Чинжирбек Еркебұлан; Рет Азамат; Абдулла Нұрсұлтан (Асылбекұлы Асқар, 62); Блохин Арсений (Қарабай Нұртілек, 62); Әлімбеков Нұрдәулет (Ислам Нұрмұхаммед, 67); Жұмабай Расул; Ғабиден Аслан (Қожабай Нұрдәулет, 88); Жазмағанбетов Жанер

Қосалқы құрам: Бекетаев Арнат; Қият Жансерік

«Ақтөбе»: Амантай Дияр; Бигелдин Ислам (Шанава Эрнест, 83); Жұмағалиев Азамат; Мурзағалиев Темірлан; Байдавлетов Аян; Бахижанов Алдияр (Байдалинов Әскербек, 46); Гапонов Глеб (Тұрмағанбет Дәулет, 46); Кикбаев Мирам (Дюкло Яхья, 77); Мачехин Андрей (Жәкішов Әлішер, 75); Уманиязов Мирас; Нуредилов Дамир (Алдабергенов Марғұлан, 86)

Қосалқы құрам: Сандыбаев Айбын

Ескертулер: Бахитжанов Алдияр, 28; Мурзағалиев Темірлан, 70; Жұмабай Расул, 78; Қуаныш Мұхаммед, 81

Төреші: Ткачев Кирилл

28.05.2023. 6-тур. Ақтау. «Жас Қанат» стадионы. 187 көрермен.