«Қызылжар» жеңіске жетті, «Алтайдың» жолы әлі болар емес: Freedom QJ League B 3-ші турындағы басты сәттер

«Жеңіс» пен «Жайық» көш бастауын жалғастыруда

Чемпионаттың қос көшбасшысы да өз матчтарында жеңіске жетіп, позицияларын сақтап қалды. Елордалық ұжым «Алтайдан» басым түссе (2:0), «Жайық» Алексей Побережныйдың соққан голының арқасында «Елімайды» қапы қалдырды – 1:0. Айта кетерлігі, Семейден келген команда матч соңында азшылықта қалды – Мирас Садықов қызыл қағаз алып, келесі турға қатыса алмайды.

«Жеңіс» пен «Жайықтың» еншісінде мүмкін болған тоғыз ұпайдан тоғыз ұпай бар – бұл ретте астаналықтар осы уақытқа дейін өз қақпаларына бірде-бір гол жіберген жоқ. Оралдық команда да қорғаныста ширақ – бірақ бірінші турда Дамир Залмұқановтың өз қақпасына соғып алған голының кесірінен олардың статистикасы мінсіз емес.

Жанади «Хан-Тәңіріге» жеңіс сыйлады

«Жетісу» өз алаңында «Хан-Тәңіріге» есе жіберді. Алматылық ұжым Талдықорған командасының қақпасына жауапсыз екі доп енгізді – екі голды да Жұмабек Жанади өз еншісіне жазды. Бұл оның Лигадағы алғашқы голдары – шабуылшы алғашқы екі турда көзге түсе алмаған еді.

«Қызылжардың» алғашқы ұпайлары

Турнирлік кестенің төменгі бөлігін теңестіруге Петропавлда өткен «Қызылжар» мен «Атырау» арасындағы матч өз үлесін қосты. Алаң иелері қонақтарды 2:0 есебімен ұтып, маусымдағы алғашқы жеңісіне қол жеткізді – Егор Лавренко (пенальтиден) және Михаил Федосов мергендік танытты.

Енді Freedom QJ League-да үш турдан кейін активтерінде үш ұпайы бар бірден бес команда бар – олар бесіншіден тоғызыншы орындарға жайғасқан.

«Алтай» әлі де жеңіссіз

Өскемендік ұжым турнирде ешқандай ұпай еншілей алмаған жалғыз команда болып қала бермек.

Еске сала кетейік, өткен демалыс күндері «Алтай» өз алаңында 0:2 есебімен ұтылды – «Жеңіс» сапынан Жаннұр Малтықбай мен Әмірхан Абай гол соқты. Маусым басталғалы бері Павел Евтеевтің шәкірттері бірінші турда «Оқжетпестің» қақпасын дәл көздеп, әзірге тек бір ғана гол соқты.