Аяқтағы құтқарулар: Freedom QJ League B-дің 8-турындағы жарқын сәттер

«Оңтүстік» Семейде ұпайды жұлып алды

«Елімай» маусымдағы үшінші жеңісіне жақын болды – 61-минутта Егор Куликов есеп ашты. Алайда негізгі уақыт біткеннен кейін Алихан Әли өзімен аттас қақпашы – Алихан Темірхан қорғаған қақпаны дәл көздеп, таразы басын теңестірді.

Бұл гол арқылы Алихан Әли сұрмергендер жарысында жеке көшбасшы атанды – сегіз матчта 10 гол. Сондай-ақ ол «гол+пас» бойынша да көш бастап тұр – үш нәтижелі пасы бар.

КФФ Академиясы қателеспейді

«Жетісумен» кездесу КФФ Академиясы үшін Стюарт Холл кеткеннен кейінгі алғашқы матч болды. Бірақ бұл оларды тоқтата алмады – Талдықорғанда айқын жеңіске жетті. Амирхан Маратов, Айбын Дәулетұлы және Платон Шипицин гол соғып, алаң иелері жауап қайтара алмады.

КФФ Академиясы турнир кестесінде көш бастап келеді – «Оңтүстік» екі ұпайға артта. Келесі турда көшбасшылар бір-бірімен кездеседі.

«Хан-Тәңірі» қатарынан екі рет алаңнан қуылды

Алматыдағы ойын өте тартысты өтті. 19-минутта Абылай Мамадыяр «Оқжетпес» қақпасына гол соғып, «Хан-Тәңірі» есеп ашты. Бірақ басымдықты сақтау оңай болмады – 55-минутта Ерсат Есім есепті теңестірді, ал Рауан Сәрсенбек екінші сары қағаз алып, алаңнан қуылды.

81-минутта Мади Сәлімов те қызыл қағаз алып, команда тоғыз ойыншымен қалды. Нәтижесінде, матч соңында Дмитрий Колесниченко «Оқжетпеске» жеңіс сыйлады.

Лиганың спорттық-сараптамалық бөлімінің Telegram арнасына жазылыңыздар

«БАСПЕН ОЙНА» шоуының жаңа шығарылымын көріңіздер!