Макридов – Мадридте!

Естеріңізге сала кетейік, маусымның басты жеке сыйлығымен бірге Глеб Еуропаның алпауыт клубтарының бірі – мадридтік «Атлетико» базасында бір апталық оқу-жаттығу жиынынан өтуге грант алған болатын.

Бұл – Лиганың ойыншыларды халықаралық деңгейде дамыту бағдарламасының бір бөлігі. Аталған бағдарлама Қазақстандағы Changan брендінің ресми дистрибьюторы – Astana Motors құрамына кіретін Changan Kazakhstan компаниясымен бірлесіп жүзеге асырылуда.

Өткен Freedom QJ League маусымында Макридов «Шахтер» сапында 19 матчта 19 гол соғып, 10 нәтижелі пас берді. Осындай жарқын ойынының арқасында Глеб Лиганың флагмандық турнирі тарихында ең көп ойын минуты (4 502) және нәтижелі әрекет (39) бойынша рекорд орнатты.

Маусымаралық кезеңде жас жартылай қорғаушы «кеншілердің» негізгі командасымен бірге жаттығып, өзін жақсы қырынан көрсете білді – бақылау матчтарында екі гол соқты.