Freedom QJ League W III туры: футболшылар мен бапкерлер не деді?

«Астана» – «Ақтөбе», 1:0

Азамат Житписбаев, «Ақтөбе» командасының бас бапкері

– Көп күрес болды, қыздар тырысты, жарайсыңдар. Установканы орындап, схемаға сай ойнады. Кей жерлерде жылдамдық, кейде соңғы соққы жетіспеді. Бұл қателіктермен жұмыс істейміз.

Арай Тілегенова, «Ақтөбе» командасының жартылай қорғаушысы

– Біз осы ойында бар күшімізді салып ойнадық. Иә, ұтылғанымызды мойындаймыз, бірақ барымызды салдық. Екінші таймда ортаны ашып қойып, бір-бірімізді түсінбей қалдық. Соның салдарынан гол өткізіп алдық.

Болат Сағынбаев, «Астана» командасының бас бапкері

– Қарсылас командаға ойын үшін рақмет. Күткендей-ақ, олар тығыз әрі жабысқақ қорғаныс ойынын көрсетті. Бірінші таймда бізде сәттілік жетіспеді, шабуылда суыққандылық болмады. Доминант болсақ та, соңына қарай қорғанысты бұзу қиынға соқты. Екінші таймда сәл тактикалық өзгерістер жасадық, ауыстырулар нәтижесін берді.

Софья Рыбак, «Астана» командасының шабуылшысы

– Ойын өте шиеленісті өтті, көпке дейін гол соға алмадық. Өзім гол соққаныма қуаныштымын — бұл менің Freedom QJ League-дегі алғашқы голым. Бапкер маған сенді, мүмкіндік берді – мен оны пайдаландым. Бұл голымды құрбым Саидаға арнаймын!

«Тобыл» – «Жетісу», 8:0

Алмас Мұқажанов, «Жетісу» командасының бас бапкерінің ассистенті

– Ойын үшін рақмет. «Тобыл» командасын жеңісімен құттықтаймын — өте жақсы ойын көрсетті, мүмкіндіктерін жақсы пайдаланды.

Нәтижеге қарамастан, біздің қыздарға да алғыс айтамын — бар күш-жігерін салды. Бұл матч бізге үлкен тәжірибе берді. Қателіктер көп болды. Соларды түзетіп, келесі ойынға дайын боламыз.

Freedom QJ League – өте жоғары деңгейдегі турнир. Осы лиганы ұйымдастырушылар мен негізін қалаушыларға үлкен алғыс. Қай қырынан алсақ та – бәрі сапалы, бәрі ойластырылған. Лигаға үлкен рақмет. Бұл турнир жалғаса берсін деп тілейміз.

Медина Аблакат, «Жетісу» командасының жартылай қорғаушысы

– Жалпы алғанда, ойын жақсы болды. Қарсылас жақсы ойын көрсетті. Өзіміз де өз деңгейімізде ойнадық деп ойлаймын. Ата-аналарымызға, бапкерлерімізге, бізді қолдайтын барлық жанкүйерлерге үлкен рақмет.

Бұл ойында ұпай ала алмадық, бірақ келесі кездесуде өзімізді жақсы жағынан көрсетеміз деп үміттенемін. Алаң жақсы болды, ойнауға ыңғайлы. Бірақ ауа райы өте ыстық болды.

Денис Сафронов, «Тобыл» командасының бас бапкері

– Жалпы алғанда, ойынға берген установканы футболист қыздар орындады. Қарсыласты бірінші аймақта тосып алып, жоғары прессинг қолдану – негізгі тапсырма болатын. Бұл тапсырманы жақсы атқарды.

Біз үшін маусымның басы қиын болды. Чемпионатты екі сырт алаңдағы ойынмен бастаған жалғыз команда – біз. Кішкене қысымға шыдамай, бейімделу керек болды.

Бірақ біз тек жеңіске жетуді мақсат еттік. «Жетісумен» әрқашан қызықты ойындар болады – техникалық тұрғыда мықты қыздар, жеке шеберлігі жоғары, дөрекіліксіз, таза ойнайды.

Бүгін жағдай біз жақта болды. Біз шын мәнінде мықты болдық, және бізге артылған фаворит мәртебесін дәлелдей алдық.

Келіп қолдаған ата-аналарды құттықтаймын. Бұл – біздің алғашқы үйдегі ойынымыз. Келген жанкүйерлерге қатты қуаныштымын. Freedom QJ League қыздар арасында Костанайда да басталғанына өте қуаныштымын. Бұл маңызды. Баршаңызды жеңіспен құттықтаймын.

Алина Сартаева, «Тобыл» командасының жартылай қорғаушысы

– Соңына дейін күрестік. Бұл жеңісті көп күттік. Ұпай алғымыз келді – міне, бүгін жеңіске жеттік. Голдарымды бізді қолдауға келген жанкүйерлерге арнаймын. Баршаңызға рақмет. Кімге сәлем жолдаймын? Анашым.

«Қайрат» – «Ертіс», 4:1

Ксения Постовая, «Ертіс» командасының бас бапкері

– Бапкер ретінде айтарым – ойын маған ұнады. Екінші таймда қыздар толықтай установканы орындады. Ал бірінші таймда, әрине, сәтсіздік болды.

Жұмыс істеу керек мәселе бар – ол ойыншылардың физикалық дайындығы. Тәжірибенің аздығы байқалады: команда енді ғана 11 на 11 форматына көшіп жатыр.

Бірақ үшінші ойынға қарай ойынымыз біршама жақсарды. Таблодағы есепке қарамастан, менің ойымша, біз жаман ойнаған жоқпыз.

Эльдар Гасанов, «Қайрат» командасының бас бапкерінің ассистенті

– Матч өте қиын болды. Ең алдымен, қарсылас командаға рақмет айтқым келеді – жақсы ұйымдасқан ұжым.

Біз өз міндетімізді орындауға тырыстық, қыздар толықтай установканы жүзеге асырды. Ауа райы өте ыстық болды, бірақ екі команда да бірдей жағдайда ойнады.

Сәттілік біз жақта сәл көбірек болды деп айтуға болады. Қарсыласқа жақсы ойын үшін рақмет.

Жания Махаш, «Қайрат» командасының жартылай қорғаушысы

– Ойын қиын болды. Біз тырыстық. Ауа райының ыстығына қарамастан, қарсылас жақсы прессинг жасады. Біз оны күтпедік – олар ұзын паспен ойнайды деп ойлағанбыз. Бірақ олар өте сауатты прессинг ұйымдастырды.

«Ордабасы» – «Шахтер», 2:4

Сергей Поленов, «Шахтер» командасының бас бапкері

– Қарсылас командаға жақсы ойын үшін алғыс айтқым келеді. Ойын қызықты болды — көрермендерге де, қыздардың өзіне де. Мұндай матчтар тек пайда әкеледі, олардан үйренуге болады. Ауа райының әсері де байқалды. Соңғы жиырма минутта сәл әлсіреп қалдық. Бірақ ауыстырулар өз нәтижесін берді. Қыздарға рахмет, бізді қолдағандардың бәріне рахмет. Арба қозғала бастады, бастысы — қайтадан асқабаққа айналып кетпесе болғаны.

Футбол ашық болды. Жеңісті қаттырақ қалаған команда алды. Бірақ екі жақта да гол соғу жағынан көп мүмкіндік жіберілді. Қарсыластың шеттегі шабуылшылары ұнады — жылдам әрі жақсы қыздар. Үзілістен кейін капитан шабуылдың оң қапталына өтті, және сол жақта өте жақсы жұмыс істеді. Кросстар жақсы болды, бірақ біздің қорғаушылар мен қақпашы сенімді ойнады.

Біздің мақсат — әр ойында даму. Командада мықтырақ қыздар да бар, әзірге тәжірибесі аздар да бар. Бірақ әр матчта максимумды мақсат етіп, турнирлік кестеде жоғары көтерілуге тырысамыз.

Тимур Валиев, «Ордабасы» командасының бас бапкерінің көмекшісі

– Ойын қиын болды, ауа райына қарамастан. Бірақ біз бұл жағдайға дайын болдық. Қарсылас лайықты болды, бізге қай бағытта жұмыс істеу керек екенін көрсетті. «Шахтерді» жеңіспен құттықтаймын. Енді өзара байланысқа көбірек назар аударамыз. Бұл — футбол: біреу ұтады, біреу жеңіледі.

Зиёда Равшанбекова, «Ордабасы» командасының қорғаушысы

– Контрольді ұстауға тырыстық, бар күшімізді салдық. Бәріміз жанымызды салып ойнадық. Тактикалық тұрғыда да, жүрекпен де ойнадық. Алдағы ойындарға нақты мақсат қойып отырмыз. Өзіміз үшін, ата-аналарымыз үшін, командамыз үшін ойнадық. Алда жақсы нәтиже көрсетеміз деп сенеміз.