Жаңа буын: Freedom QJ League 2025 ең жас қатысушылары

Соған қарамастан, кейде жасы кіші футболшылар жасы үлкен қарсыластарына қарсы лайықты ойын көрсетіп, оларды таңғалдыра алады. Бұған айқын мысал – Freedom QJ League B турнир кестесінде екі турдан кейін көш бастап тұрған 2010 жылғы ұлдардан құралған КФФ Академиясы командасы.

Алайда тіпті 15 жастағы ойыншылар Лиганың ең жастары емес. Биыл алғаш рет U-16 санатындағы жарыстар басталды және командалар құрамында 2011 жылы туған 22 футболшы тіркелген. Сонымен қатар, осы жылы туған бір ойыншы U-17 турниріне де қатысуда – ол «Каспий» командасының қорғаушысы Нурдаулет Эстуре.

Ал абсолютті жас рекорд «Ордабасы» түлегі Арман Батырханға тиесілі – ол Лигада 13 жас, 2 ай, 18 күнінде дебют жасады. Ол U-16 санатындағы үшінші турда «Жас Қыранға» қарсы кездесуде (0:0) соңғы минуттарда алаңға шықты.

Дебют жасаған кезде Батырхан алдыңғы рекорд иесі, «Қайрат» футболшысы Роман Черноморецтен сегіз айға жас болды. Алайда Черноморец U-17 санатында ойнаған болатын.

Арман – Freedom QJ League тарихында 2012 жылы туған және Лигада өнер көрсеткен алғашқы әрі әзірге жалғыз футболшы. Қызығы, ол дүниеге келген кезде Лиганың алғашқы маусымының қатысушылары мектеп партасында отырған еді.

Егер Лиганың басты турнирі туралы айтсақ, онда оған 2009 жылы туған жеті ойыншы тіркелген. Олардың ішіндегі ең жасы – «Каспий» командасының жартылай қорғаушысы Ислам Қуаныш. Ол былтыр желтоқсан айының соңында 15 жасқа толған. Егер ол бір апта кейін туған болса, 2010 жылы туған және Лиганың басты турниріне қатысқан жалғыз футболшы болар еді. Қазірдің өзінде ол төрт турда 237 минут ойын өткізген.

Еске салайық, маусым енді ғана басталды – демек, Лигаға қатысып жатқан вундеркиндтердің өздерін көрсетуге әлі талай мүмкіндігі болады.