Көшбасшы ауысты! Freedom QJ League B 10-турының жарқын сәттері

«Оңтүстік» – қайтадан көшбасшы!

Өткен маусымның U-17 чемпиондары қазіргі маусымда бірінші орынды қайтарып алды. Олар турнирдің тағы бір басты үміткері – ҚФФ академиясын ірі есеппен жеңді.

Бұл қос команданың қатарынан екінші кездесуі еді – өткен турда Талғардағы матч тең аяқталған. Алайда өз алаңында «Оңтүстік» қарсыласына еш мүмкіндік қалдырмады – 4:0. Гол авторлары: дубль жасаған Элбек Абдукаххаров, сондай-ақ Алихан Әли мен Темірлан Ермек.

ҚФФ академиясы енді екінші орында тұр – көшбасшыдан бір ұпай қалып келеді.

«Елімайдың» әсерлі камбэгі

«Хан-Тәңірі» бұл турда Семейлік «Елімайды» қабылдады. Есеп өте ерте ашылды – 2-минутта Рауан Сәрсенбек гол соқты.

«Елімай» есепті тек 58-минутта теңестірді – гол авторы Мерей Болатов. Алайда 10 минут өткен соң Сәрсенбек Мади Сәлімовтің пасынан дубль жасап, ал көп ұзамай Абылай Мамадияр есепті 3:1-ге жеткізді – Сәлімов тағы бір нәтижелі пас берді.

Көпшілік ойынды аяқталған деп санағанда, 88-минутта Амир Сальменбаев есепті қысқартты, ал қосылған уақытта Диас Сүлейменов «Елімайға» бір ұпай алып келді – 3:3.

Астанада тартысты матч өтті

«Жеңіс» пен «Оқжетпес» арасындағы ойын шиеленісті өтті. 33-минутта Айбар Бүріев астаналықтарды алға шығарды, бірақ 36-минутта Ерсат Есім есепті теңестірді. Үзілістен кейін ол тағы бір гол соғып, қонақтарды алға шығарды, алайда алаң иелері жылдам қарымта қайтарды.

Ақыры ойын тағдырын Айбар Бүріевтің 73-минуттағы екінші голы шешті – 3:2 есебі соңына дейін сақталды.