Никита Килджиев – Freedom QJ League U17 турнирінің үздік қақпашысы!

Никита маусымда 18 матч өткізді, олардың сегізінде қақпасын «құрғақ» сақтады. Оның еншісінде – 21 жіберілген допқа қарсы 66 сейв. Килджиевтің сенімді ойыны «Шахтердің» қола жүлдегер атануына елеулі үлес қосты.

Барлық турнирлердегі «ең пайдалы ойыншы», «үздік қақпашы», «үздік қорғаушы», «үздік жартылай қорғаушы» және «үздік шабуылшы» аталымдарының жеңімпаздары Лиганың серіктесі Freedom Bank-тен 200 000 теңге сыйақы алады.

«Бұл номинацияда жеңіске жеткеніме қатты қуандым — бұл маусымға қойған негізгі мақсаттарымның бірі еді.

Жыл өте жақсы өтті. Көп тәжірибе жинадым — Лигада көп матч өткізіп қана қоймай, негізгі командада дебют жасау бұйырды. Сол сәт – маусымдағы ең есте қалған оқиға.

Жүлде ақшасын қалай жұмсаймын? Болашаққа сақтап қойғым келеді.

Кіші ойыншыларға бірінші кезекте жарақаттың аз болуын тілеймін. Сондай-ақ табыс пен сәттілік тілеймін. Freedom QJ League сіздің болашақ дамуыңыз үшін барлық жағдайды ұсынады», – деді ол лиганың ресми сайтына берген сұхбатында.