QJL All Star мен «Атлетико» жайлы – «Qazsport алаңы» ток-шоуында: толық шығарылым

Бағдарлама қонақтары – Лиганың спорттық-сараптамалық блогының жетекшісі Арсен Инкарбеков, медиа және маркетинг блогының жетекшісі Антон Лысяк, QJL All Star құрамасының ойыншысы Ален Пак, сондай-ақ мадридтік «Атлетико» қазақстандық академиясының спорттық үйлестірушісі Илья Артюшенко мен испан клубы академиясының жобалық менеджері Хавьер Гонсалес болды.

Олар QJL All Star мен мадридтік «Атлетико» арасындағы, осы сенбіде, 23 тамыз күні, Алматыдағы «Хан-Тенгри» стадионында өтетін матчты талқылады.

Халықаралық ойынның спорттық жағы – құраманы іріктеу және матчқа дайындық, сондай-ақ медиялық бөлігі де сөз болды. Еске сала кетейік, жанкүйерлерді тартысты футбол ғана емес, сонымен қатар бай шоу-бағдарлама да күтеді.

Сонымен бірге, спикерлер Лига мен испан клубының академиясы арасындағы алдағы стратегиялық әріптестік жоспарлары туралы да айтып берді.