Тимур Турлов QJL All Star құрамасымен кездесті

Олар жаттығу күні басталар алдындағы жалпы жиналысқа қатысып, мадридтік «Атлетикоға» қарсы алдағы ойынға дайындалып жатқан футболшыларға қолдау көрсетті.

«Сіздер үлкен еңбек сіңірдіңіздер, мен сіздерге шын жүректен сенемін. Испаниядан келетін қарсыластарыңыз да осал емес – олар да ұзақ дайындалып, осы матчқа тыңғылықты әзірленді. Бірақ сіздер оларды өз өнерлеріңізбен таң қалдыра аласыздар. Біздің елдің қонақжайлығына, сіздердің ойыныңыздың әдемілігіне риза болсын, ал матчтың нәтижесі олар үшін жағымсыз тосынсый болсын», – деді Freedom Holding Corp. бас атқарушы директоры Тимур Турлов.

Кездесудің соңында оған естелік сыйлық ретінде жаңа лимиттелген атрибутика жинағынан шарф пен жейде табысталды. Бұл коллекция арнайы осы ойынға арналып шығарылған және дизайнерлер байқауының жеңімпазы Жүрсін Әуезханның қолымен дайындалған.

Еске сала кетейік, QJL All Star матчы осы сенбі, 23 тамыз күні өтеді. Freedom Ticketon сайтында билеттер сатылымда. Көрермендерді тек тартысты халықаралық матч қана емес, сонымен бірге лазерлік шоуға негізделген әсерлі ойын-сауық бағдарламасы да күтіп тұр.

QJL All Star туралы сериалдың үшінші және төртінші эпизодтары – Freedom Media-да!