Рахметовтың триумфы және басқалар: Freedom QJ League 1-турынан не білу керек

Ануар Төлендінің покері

«Астана» U-16 командасының 14 жастағы ойыншысы Ануар Төленді «Атырау» командасына қарсы ойында өз командасының 5:1 есебімен жеңіске жетуіне зор үлес қосты. Ол төрт гол соқты – алғашқысы 8-минутта, соңғысы 69-минутта тіркелді.

«Астана» сапынан тағы бір голды Алтайыр Рәпилбек соқты, ал «Атырау» жағынан жалғыз голды Альберт Сидихов еншіледі.

«Ертістің» қарқынды бастамасы

Павлодар облысының атынан Лигаға «Ақсу» орнына қатысып жатқан «Ертіс» маусымды үш ірі жеңіспен бастады. 2010 жылы туған жасөспірімдер «Ақтөбені» 4:1 есебімен жеңді, U-17 командасы 6:2 нәтижемен үстем түсті, ал негізгі турнирдегі матч 7:2 есебімен аяқталды.

Руслан Рахметов

Турдың басты кейіпкері – павлодарлық клубтың 16 жастағы жартылай қорғаушысы Руслан Рахметов. Ол негізгі матчта үш гол соғып, екі нәтижелі пас берді. Осылайша, Рахметов бомбардирлер жарысын жеке-дара бастап, ассистенттер тізімінде «Қайраттың» ойыншысы Бейбарыс Әбілдамен бірге көш бастады.

«Тобыл»: тарих тағы қайталана ма?

U-17 турнирінде Сергей Масленовтың командасы Қостанайда «Ордабасыдан» 0:7 есебімен ойсырай жеңілді. «Сары-жасылдар» үшін бұл қанағаттанарлықсыз нәтиже болғанымен, бапкер үшін өткен маусым да осылай басталғанын атап өткен жөн.

Ол кезде «Тобол» U-18 «Қайраттан» 1:12 есебімен жеңілген еді, бірақ қалған ойындарда лайықты өнер көрсетіп, турнир кестесінде алтыншы орынға тұрақтаған – бұл үстіңгі жартының ішінде. Биыл да осындай өрбуін күтуге бола ма екен?

Турдың ең нәтижелі матчтары:

Freedom QJ League: «Ертіс» – «Ақтөбе» (7:2)

Freedom QJ League U-17: «Ертіс» – «Ақтөбе» (6:2), «Қайрат» – «Қайсар» (8:0)

Freedom QJ League U-16: «Астана» – «Атырау» (5:1)