Рохус Шох: «Біз – Freedom QJ League атты үлкен әрі тату отбасы»

– Әр маусым басталғанда ерекше толқу сезімі болады. Бұл – қалыпты нәрсе, өйткені жоба дамып келеді, Лига өз атын толықтай жария етті.

Әр маусым – ерекше, бірақ бұл жолы біз алғаш рет қыздарға арналған турнирді іске қосамыз. Бұл – үлкен оқиға, себебі ол қазақстандық қыздар үшін футболдағы жаңа жолды ашады.

Freedom QJ League – дамуға жақсы серпін беретін платформа. Бұл – құр сөз емес, оны бәрі көріп, түсініп отыр. Аймақтарда қыздарға арналған турнирді ұзақ күткен: бұл туралы маған жеке кездесулерде де, әлеуметтік желілерде де айтқан. Бәрі жоспар бойынша жүріп жатыр, Лига біртіндеп дамып келеді.

Тағы бір рет Тимур Турлов пен Freedom Holding Corp.-қа алғысымды білдіргім келеді. Ол жобаға сенді, ал менің футболшы және бапкер жақындарым әлі де не істегім келгенін түсінбей жүрген еді. Ол стратегиялық ойлайтын визионер ретінде біздің қайда бара жатқанымызды алғашқылардың бірі болып түсінді.

Біздің лига – Қазақстан футбол федерациясының жобасы: ұлттық, ауқымды, жүйелі, әлеуметтік, спорттық. Осы сын есімдер жобамызды сипаттауға ең лайықты деп ойлаймын.

Лига дерлік барлық қалаға жетті – мүмкін, барлық ауылға емес, бірақ біз міндетті түрде бәріне жетеміз. Қарапайым халық – ұлдар мен қыздар, олардың туыстары, бапкерлер, төрешілер, инспекторлар – бізді жақсы көреді, құрметтейді және Лигаға сенеді.

Бұл жобаны қазақстандық жастар жасайды: елдің түкпір-түкпірінен келген ұлдар мен қыздар. Маған мұндай жоба үшін мамандарды Қазақстаннан табу мүмкін емес дегендер болды. Бұл оңай болған жоқ – команда жинауға жеті-сегіз ай кетті, бірақ біз бәрібір қол жеткіздік. Өз тәжірибеммен айтсам: мұндай жұмыста жай ғана біліп, істей алу жеткіліксіз – бұл істі шын жүректен жақсы көріп, соған жан-тәніңмен берілуің қажет. Мен әрдайым айтамын: біз бүгін – қазақстандық футболдың болашағын жасап жатырмыз. Бүгін – біздің ұранымыз.

Бүгін осында отырған және келе алмаған клубтар мен футбол орталықтарының өкілдері – бәріміз қазақстандық футболдың болашағы үшін бірге еңбек етіп жатырмыз.

Біз футбол ардагерлеріне де, бізге көмектесіп жүрген жастарға, біздің қатарымызда өсіп келе жатқан жас бапкерлерге қуаныштымыз.

Футбол – жай ғана ойын емес. Бұл – үлкен индустрия, және біз оған соған сай көзқараспен қарауымыз керек. Сол себепті Лига жаңа әлеуметтік лифтілер ашып жатыр: медиа-офицерлер, спорттық маркетологтар, администраторлар – бұлардың бәрі елімізде жетіспейді. Олар аймақтарда пайда болып жатыр, біз оларды оқытып, олардың жетістігін қадағалап отырамыз. Бұл – керемет нәрсе, себебі біз – Freedom QJ League атты үлкен әрі тату отбасыбыз.