Freedom QJ League спорттық-сараптамалық бөлімі сарапшыларының Қарағандыға сапары мәресіне жетті.
ССБ өкілдері, соның ішінде өңірлік үйлестіруші Евгений Яровенко «Шахтер» футбол орталығының бапкерлерімен және мамандарымен кездесті. Сонымен қатар, сарапшылар OVR Performance жабдығының көмегімен ойыншылардың жеке физикалық көрсеткіштеріне өлшеу жүргізді.
Естеріңізге сала кетейік, жыл бойы спорттық-сараптамалық бөлімнің өкілдері Лиганың барлық футболшылары мен футболшы қыздарының жүгіру, плиометрикалық және техникалық көрсеткіштерін өлшейтін болады. Бұл үшін олар бірқатар заманауи құралдарды пайдаланады: OVR Performance құрылғылары, «ақылды» камералар және GPS-трекерлер.
Алынған ақпарат негізінде әрбір амплуа үшін модельдік сипаттамаларды қалыптастыру және бапкерлерге нақты ұсынымдар әзірлеу жоспарлануда.
А Лигасының 4-турынан кейін «Шахтер» төрт жас санатының үшеуінде, соның ішінде басты U-18 турнирінде жүлделі үштіктің қатарында келеді.
