Секундомердің орнына датчиктер: Лиганың ойыншыларының физикалық көрсеткіштерін СCБ сарапшылары қалай өлшейді

Жаңа маусымда ойыншылардың фитнес-көрсеткіштерін талдау маңызды рөл атқарады. Бұл бағыт жыл бойы ССБ жұмысының негізгі басымдықтарының бірі болады.

Бөлім өкілдері Лига командаларының ойыншыларының физикалық көрсеткіштерін OVR Performance жабдығының көмегімен өлшеуде. Бұл жұмыс әр амплуа бойынша модельдік сипаттамалар қалыптастыруға және Freedom QJ League үшін идеал ойыншының профилін анықтауға мүмкіндік береді. Осы негізде командалардың жаттықтырушыларына арналған ұсыныстар әзірленеді.

«Мақсат – футболшыларымыздың физикалық мүмкіндіктерін зерттеп, соның негізінде алдағы уақытта жаттығу процесі арқылы ойыншыларға қалай әсер ете алатынымызды немесе жеке физикалық дайындық бағдарламаларын қалай құрастыра алатынымызды түсіну», – деді САБ басшысы Бауыржан Сағындык.

Жүгіру, плиометрикалық және техникалық тесттер маусым басталар алдында ғана емес, маусым барысында және турнир аяқталғаннан кейін де өткізіледі. Бұл деректерді динамикада бағалауға және салыстыруға мүмкіндік береді.

«Бағалау критерийлері амплуаға байланысты болады. Әр жас санаты үшін өз модельдік сипаттамалар қалыптастырылады. Кейін оларды Қазақстан құрамаларының әртүрлі жас деңгейіндегі ойыншыларының көрсеткіштерімен, сондай-ақ еуропалық чемпионаттардағы командалармен салыстырамыз. Өзгерістерді динамикада бақылап, жаттығу процесін түзету бағыттарын анықтаймыз», – деп түсіндірді Лига сарапшысы Алексей Щиголев.

Осы аптада ССБ сарапшылары Футбол үйінде «Астана» клубының ұлдар және қыздар командаларының ойыншыларының физикалық көрсеткіштерін өлшеді.

«Бұл біз үшін өте маңызды қадам деп санаймын, өйткені бұрын бұл жұмыс секундомер арқылы жүргізілетін – үлкен қателік болатын. Ал бұл датчиктердің көмегімен біз қыздарымыздың дайындығын әлдеқайда дәл анықтай аламыз», – деді «Астана» қыздар командасының жаттықтырушысы Болат Сагинбаев.

OVR Performance датчиктерінен бөлек, САБ сарапшылары бұл маусымда басқа да жабдықтар арқылы деректер жинауды жоспарлап отыр. Мысалы, «ақылды» камералар матчтар мен жаттығулар кезінде ойыншылардың технико-тактикалық әрекеттері мен фитнес-көрсеткіштерін бақылайды. Бұл жоба Лига тарапынан Freedom Telecom және BigBro компанияларымен бірлесіп жүзеге асырылуда.

Сондай-ақ әлемнің кәсіби лигаларында кеңінен қолданылатын GPS-трекерлерді пайдалану жоспарлануда.

Жиналған деректер «Болашақ ойыншысы» жобасы аясында да қолданылады. ССБ-ның өңірлік инспекторлары жаттығу қарқындылығын тұрақты түрде бақылап, командалардың жаттықтырушылар штабына ұсыныстар береді.

Бұл жаңашылдықтар Қазақстанның жасөспірімдер құрамалары үшін де жаңа мүмкіндіктер ашады.

«Еуропа чемпионатының іріктеу кезеңіне қатысуымызды талдай келе, қазіргі таңда ойыншыларымыздың физикалық көрсеткіштері элиталық раунд деңгейіндегі қарқынға жетпейтінін анықтадық», – деп атап өтті Бауыржан Сағындык, ол сондай-ақ Қазақстан U-17 құрамасының аға жаттықтырушысы қызметін атқарады.

Бұл бағыттағы тағы бір маңызды бастама – жарыс регламентіне барлық командалар үшін ойыншылардың жоғары жүктемелерге физиологиялық дайындығын тексеретін тредмил-тесттерді енгізу болды.

Еске сала кетейік, 2026 жылғы Freedom QJ League алғашқы туры 18 сәуірде басталады. Осы күні Қызылордада Лига тарихындағы 1000-шы матч өтеді – «Қайсар» мен «Тобыл» арасындағы кездесу ауқымды футбол мерекесі форматында ұйымдастырылады. Билеттер Freedom Ticketon платформасында қолжетімді.