«Шахтер» мен «Ертіс» қонақта: Freedom QJ League W турының үшінші кезеңі алдында не білу керек

«Қайрат» – «Ертіс»

Алматылық футболшы қыздар турнирді екі жеңіспен бастады. Ал «Ертіс» ашылу кездесуінде жарқын жеңіске жеткен соң, келесі турда «Ордабасыға» жол берді. Команданың бас бапкері Ксения Постовая бұл нәтиженің себебі, ең алдымен, психологиялық күйге байланысты болуы мүмкін екенін айтты. Енді оның ойыншылары турнир фаворитінің алаңында өздерін көрсете ала ма – соны байқаймыз.

«Тобыл» – «Жетісу»

Бұл екі команда әлі ұпай жинаған жоқ. Қостанайлықтар «Астана» мен «Шахтерден» жеңілді, талдықорғандықтар – «Қайрат» пен «Астанадан». Алғашқы турда екі команда да гол соққан жоқ, бірақ өткен аптада ірі есеппен жеңілгеніне қарамастан, «Тобыл» да, «Жетісу» де қарсылас қақпасын бұза алды. Сондықтан алдағы кездесу тартысты өтуі мүмкін.

«Ордабасы» – «Шахтер»

Шымкенттік команда «Ақтөбе» мен «Ертісті» сенімді жеңіп, екі матчта да гол жіберген жоқ. Ал «Шахтер» маусымды Павлодарда сәтсіз бастағанымен, екінші турда өз алаңында «Тобылды» ірі есеппен ұтты. Қарағандылық шабуылшы Дамира Мақсат екі ойында бір гол соғып, үш нәтижелі пас берді – енді «Ордабасыға» қарсы не көрсетеді?

«Астана» – «Ақтөбе»

«Ақтөбе» де әлі ұпай ала алмаған. «Астана» болса, екі ойында да сенімді жеңіске жетті. Команданың 14 жастағы шабуылшысы Асыл Пазыл қазіргі кезде соғылған барлық тоғыз голға қатысқан. Сондықтан бұл матчтың нәтижесі көбіне Азамат Житписбаев жаттықтыратын команда жас шабуылшыны тоқтата ала ма – соған байланысты болмақ.

Асыл Пазыл – Nursultan Qurman подкасттың қонағы!

Freedom QJ League W ашылу матчынан влогты көріңіздер