Sport Plus Qazaqstan – Freedom QJ League серіктесі!

Алдағы маусымда телеарна бірқатар матчтарды тікелей эфирде көрсетеді, бұл ойындарда кәсіби комментаторлар жұмыс істейді. Сонымен қатар, серіктестік аясында жарыстар Sport Plus Qazaqstan-ның ресми сайтында да кеңінен жарияланады.

Еске сала кетейік, Freedom QJ League төртінші маусымында барлық турнирлер аясында жалпы саны 674 матч өткізіліп, оған 66 командадан 1 980 ойыншы қатысады.

Флагман турнирінің алғашқы турындағы «Қайсар» мен «Тобыл» арасындағы матч Лига тарихындағы 1000-шы ойын болады. Осыған орай Қызылорда тұрғындары үшін ауқымды футбол мерекесі ұйымдастырылады – дәстүрлі Matchday форматындағы жарқын іс-шара.

18 сәуір күні «Қайсар Аренада» қонақтарды түрлі байқаулар мен ойын-сауық белсенділіктері, сондай-ақ әсерлі шоу-бағдарлама күтеді. Фестивальдің хедлайнерлері – танымал орындаушылар ARO және DARICORN.

Іс-шара Freedom QJ League серіктесі – Қазақстандағы Changan брендінің ресми дистрибьюторы, Astana Motors құрамына кіретін Changan Kazakhstan компаниясының қолдауымен өтеді.

Шоу-бағдарламаның басталуы – 12:30. Матчтың басталуы – 14:00. Билеттер Freedom Ticketon платформасында қолжетімді.