FF Manager платформасы Еуропадағы ең ірі digital-марапаттардың бірі – Tagline Awards жеңімпазы атанды

FF Manager платформасы Еуропадағы ең ірі IT-марапаттардың бірі саналатын Tagline Awards жыл сайынғы марапатының жеңімпаздарының бірі болды! FFM жеңіп алған ең маңызды марапаттар қатарында «Үздік интранет», «Үздік digital-трансформация» және «Үздік жеке кабинет» номинацияларындағы «күміс» жүлделер, сондай-ақ «Үздік технология/платформа» санатындағы «қола» жүлде бар.

 

FF Manager – Freedom QJ League-нің digital жобасы, оның негізгі міндеттері – жасөспірімдер командаларында жаттығу үдерісін цифрландыру мен автоматтандыру, жаттықтырушыларға заманауи әдістемелерге қол жеткізуді қамтамасыз ету, сондай-ақ турнирге қатысатын командалардағы үдерістерді мониторингтеу және талдау мүмкіндіктерін ұсыну.

 

Платформа бірден үш тілде – қазақ, орыс және ағылшын тілдерінде іске қосылып, жұмыс істейді. QJ League командаларының жаттықтырушылары бұл жүйеге тегін қол жеткізе алады. Жаттықтырушылардың ыңғайлылығы үшін Лиганың спорттық-аналитикалық блогының мамандары платформаның ішіне жүздеген негізгі жаттығулар, оқу-жаттығулар мен микроциклдерді дайындап, енгізген. Сондай-ақ, жүйеде қолданылатын барлық терминдер сипаттамасымен бірге ұсынылған глоссарий бар.

 

Жүйенің әзірлеушілері – QJ League, сондай-ақ «ByteMinds Kazakhstan» компаниясы (Astana Hub резиденті), «Brele» дизайн бюросы және «Fuse8».

 

Лига атынан FFM платформасына жоғары баға бергені үшін Tagline Awards ұйымдастыру комитетіне алғысымызды білдіреміз, сондай-ақ оның жасалуы мен дамуына қатысқан барлық мамандарға кәсібилігі үшін ризашылығымызды білдіреміз!

 

FF Manager марапатталған номинациялар тізімі:

– Үздік цифрлық сервис
– Үздік технология/платформа
– Үздік digital-трансформация
– «Офлайннан онлайнға» форматындағы үздік сайт
– Үздік халықаралық IT-шешім
– Үздік халықаралық цифрлық сервис
– Үздік халықаралық интранет
– Үздік интранет дизайны
– Үздік интранет
– Үздік пайдаланушылық тәжірибе
– Үздік жеке кабинет