Freedom QJ League 2026 маусымы алдындағы баспасөз конференциясы өтті

Спикерлер қатарында Freedom Holding Corp. бас атқарушы директоры және Freedom QJ League Қамқоршылық кеңесінің төрағасы Тимур Турлов, Қазақстан футбол федерациясының бас хатшы міндетін атқарушы Александр Кеплин және Лига президенті Рохус Шох сөз сөйледі.

Кіріспе бейнероликте Лига алғашқы үш жылдағы жұмысының қорытындысын шығарды. Осы уақыт ішінде жарыстар 3 000-нан астам жас футболшы мен футбол орталықтарының мамандарын қамтыды.

Freedom QJ League жасөспірімдер футболына алғаш рет кәсіби чемпионаттарға жақын жағдайларды енгізді. Жарыстар апталық цикл бойынша, айналым жүйесінде үй және сырт алаңдағы матчтар форматында өтеді. Қонақ командалар жайлы қонақүйлерге орналастырылады, ал қатысушы клубтардың жаттықтырушылары заманауи цифрлық құралдарға қол жеткізе алады.

Сонымен қатар жарыстарды ұйымдастыруға кететін негізгі шығындар жобаның бас серіктесі – Freedom Holding Corp. компаниясының қаражаты есебінен жүзеге асырылады.

Үш жыл ішінде Freedom QJ League спорттық-сараптамалық бөлімі еліміздің түрлі өңірлерінде жаттықтырушыларға арналған жалпы саны 17 оқыту семинарын өткізіп, «Болашақ ойыншысы» және «Болашақ бапкері» бағдарламаларын іске қосты.

Лиганың ресми сайтында әр ойыншы мен матч бойынша толық статистика қолжетімді. Ұйымның өз әзірлемесі – жаттықтырушыларға арналған FF Manager цифрлық платформасы кәсіби ортада кеңінен мойындалып, көптеген марапаттарға ие болды. Қазіргі таңда Лига Freedom Telecom және BigBro компанияларымен бірлесіп жаттығу және жарыс үдерісіне «ақылды камераларды» белсенді енгізіп жатыр.

Жасөспірімдер футболының медиа және маркетинг бағытына ерекше көңіл бөлінеді. Үш жыл ішінде өткен 997 матчтың барлығы тікелей эфирде көрсетіліп, оның 672-сіне кәсіби комментаторлар қызмет көрсетті.

Матчтар кемінде төрт кәсіби камерамен түсіріледі, ал көптеген ойындар республикалық телеарналарда көрсетіледі. Үш жыл ішіндегі матчтардың жалпы қаралым саны шамамен 3 500 000-ға жетті.

Лиганың ресми ресурстары да қарқынды өсіп келеді. Түрлі платформаларда Freedom QJ League-ға 70 мыңнан астам футбол жанкүйері жазылған. Медиа қызметтер мен клуб маркетологтарының мотивациясын арттыру мақсатында Лига медиа-маркетинг чемпионатын өткізеді.

Тимур Турлов өзінің құттықтау сөзінде Лиганың жаңа маусымды өз тарихындағы ең үздік формада қарсы алып отырғанын атап өтті. Мұны негізгі көрсеткіштер айқын дәлелдейді.

«Бірақ маңыздысы – сандардың өзі емес, олардың артында тұрған мән. Біз QJ League-ның өсуі табиғи әрі жүйелі болғанын көріп отырмыз. Рохус Шохтың жетекшілігімен талантты команданың еңбегінің арқасында жоба қажетті деңгейге жетіп, батыл эксперимент аясынан шығып кетті.

QJ League бүгінде жаңа спорт жұлдыздары ашылатын, тірі әрі жоғары технологиялық платформаға айналды. Ол тек жастар футболы үшін ғана емес, жалпы спорт индустриясы үшін де маңызды сараптамалық тәжірибе көзі болып отыр.

Мұның барлығы бізді одан әрі дамуға және қазақстандық жастар футболын бұрынғыдан да сенімді түрде алға ілгерілетуге ерекше шабыттандырады», – деп толықтырды ол.

Freedom Holding Corp. бас атқарушы директоры Лига матчтарын көріп, қазақстандық жастарға сенім білдіріп жүрген барлық жанкүйерлерге алғыс айтып, көптеген жас ойыншылардың қазірдің өзінде кәсіби командалармен келісімшарттар жасай бастағанын атап өтті.

«Жасөспірімдер футболын дамыту – тек спорт қана емес екенін ұмытпауымыз керек. Кеңірек қарасақ, бұл – еліміз үшін дені сау ұрпақ, сондай-ақ жастар үшін жаңа мансаптық мүмкіндіктер мен әлеуметтік өрлеу жолы.

Футбол әрдайым қазақстандық мәдениеттің маңызды бөлігі болып келді және солай болып қала береді. Ол – біз сіздермен бірге құрып жатқан заманауи қоғамның негізгі құрамдас бөліктерінің бірі.

Біз жинақталған тәжірибеге сүйене отырып, жобамызды одан әрі дамытуды жалғастырамыз. Жаңа идеялар мен форматтарды енгіземіз. Біздің мақсатымыз – тек Қазақстан үшін ғана емес, бүкіл өңір үшін заманауи стандарт қалыптастыру. Лига командасына жаңа маусымда сәттілік пен табыс тілеймін!», – деп түйіндеді Тимур Турлов.

«Біздің Лига үш жылдан бері дамып келеді және қазақстандық ұлдар мен қыздар үшін әлеуметтік лифт рөлін атқарып отыр. Бұл тек футболшыларға ғана емес, сондай-ақ Freedom QJ League арқасында үнемі дамып, тәжірибе жинап, бүгіннің өзінде Қазақстан футболының болашағына үлес қосып жүрген талантты әрі болашағы зор мамандарға да қатысты.

Алдағы маусым 2012 жылы туған жүздеген жасөспірім үшін Лигадағы алғашқысы болмақ – бұл біздің экожүйеде төрт жыл толық өтетін алғашқы буын. Оларға да, басқа барлық қатысушыларға да сәттілік тілеймін!», – деп атап өтті Рохус Шох.

Баспасөз конференциясында Лиганың негізгі серіктестері – Mastercard трансұлттық қаржы корпорациясы және «Астана Моторс» компаниялар тобына кіретін Қытайдың Changan брендінің Қазақстандағы ресми дистрибьюторымен ынтымақтастықтың жалғасатыны жарияланды.

Freedom QJ League пен Mastercard арасындағы ынтымақтастық 2024 жылы бастау алды. Сол кезде Лига мен әлемдегі ең ірі трансұлттық қаржы корпорацияларының бірі бірқатар бірлескен жобаларды жүзеге асырды. Олар тек ойын-сауық емес, әлеуметтік бағытты да қамтыды, соның ішінде Павлодарда өткен қыздарға арналған алғашқы футбол фестивалі ерекше орын алды.

Бірлескен жұмыс жалғасын тапты – Mastercard Лиганың барлық негізгі іс-шараларында ұсынылды. Сонымен қатар компания қыздар турниріндегі екі тұрақты жеке номинацияның – Player of the Week және Goal of the Week – нейминг серіктесіне айналды.

Лиганың Changan Kazakhstan компаниясымен ынтымақтастығы алғаш рет 2025 маусымы қарсаңында жарияланған болатын.

Changan Kazakhstan және «Астана Моторс» инфрақұрылымы бірлескен жобаларда бірнеше рет пайдаланылды, ал премиум-серіктестің интерактивті аймақтары Лиганың барлық негізгі іс-шараларында ұсынылды. Сондай-ақ арнайы жеке марапаттар тағайындалды: QJL All Star аясындағы Changan MVP of the Match және Changan MVP of the Season.

Одан кейін Лига алдағы маусымға арналған жаңа стратегиялық серіктестіктерді таныстырды. Freedom QJ League-мен ынтымақтастық туралы келісімдерге Freedom Bank, Қазақстандағы ЮНИСЕФ балалар қорының өкілдігі және SCAT Airlines әуе компаниясы қол қойды.

Өткен маусымда Freedom QJ League мен Freedom Bank Лиганың жас футболшыларын қолдау бағдарламасының іске қосылғанын жариялады.

2 000-нан астам ойыншы эксклюзивті футбол дизайнымен жасалған Freedom Bank карталарын ала алады. Лига матчтарында алаңда өткізген әрбір минут үшін бұл карталардың иелері Freedom инвестициялық валютасында 75 теңге көлемінде бонус алады.

Бұл – қазақстандық спорттағы алғашқы осындай жоба. Аталған қолдаудан бөлек, футболшыларға қаржылық сауаттылық бойынша дәрістер де ұйымдастырылады.

Лига мен ЮНИСЕФ арасындағы серіктестіктің негізгі бағыттары – менталдық денсаулық пен салауатты өмір салты бойынша ақпараттық-ағартушылық кампаниялар өткізу, әдістемелік материалдар әзірлеу және бірлескен іс-шараларды жүзеге асыру.

SCAT Airlines-пен ынтымақтастық Лига жұмысының маңызды бағыттарының бірі – қонақ командалардың логистикасын ұйымдастыруды оңтайландыруға бағытталған.

Үш маусым ішінде үй және сырт алаңдағы матчтардан тұратын айналым жүйесінде өнер көрсеткен командалар 1 500-ден астам сапар жасады, оның 980-і әуе рейстеріне тиесілі. Сонымен қатар Freedom QJ League аясындағы турнирлер мен матчтардың саны жыл сайын артып келеді.

Сондықтан қолайлы әуе рейстерінің болуы – барлық қатысушы командалар үшін тұрақты әрі ыңғайлы жарыс күнтізбесін қалыптастырудағы маңызды фактор. SCAT Airlines-пен серіктестік Лигаға қарқынды футбол маусымы барысында логистикалық міндеттерді айтарлықтай жеңілдетуге мүмкіндік береді.

Презентация аяқталғаннан кейін баспасөз конференциясының спикерлері журналистердің сұрақтарына жауап берді.

Freedom QJ League 2026 маусымының алғашқы туры 18 сәуірде басталады. Осы күні Қызылордада Лига тарихындағы мыңыншы матч өтеді – осыған орай «Қайсар» мен «Тобыл» арасындағы кездесу ауқымды футбол мерекесі форматында ұйымдастырылады.

Алғаш рет Лигаға U-15 жас санатындағы командалар қатысады. Сонымен қатар U-18, U-17 және U-16 санаттарындағы командалар жарысты жалғастырады. Жалпы алғанда, алдағы маусымдағы алты турнирге Қазақстанның 18 өңірінен шамамен 2 000 жасөспірім қатысады.