Freedom QJ League Біріккен Ұлттар Ұйымының аясында жұмыс істейтін балаларды қорғау жөніндегі халықаралық ұйым – ЮНИСЕФ-пен серіктестік келісім жасалғанын қуана хабарлайды.
Серіктестіктің негізгі бағыттары менталдық денсаулық пен салауатты өмір салты мәселелері бойынша ақпараттық-ағартушылық науқан өткізу, әдістемелік материалдар әзірлеу және бірлескен іс-шаралар ұйымдастыру болады.
«Біз спортты балалар мен жасөспірімдерді дамытудың қуатты құралы ретінде қарастырамыз. Бұл серіктестік Қазақстандағы балалардың құқықтарын ілгерілетуге, олардың менталдық әл-ауқатын қолдауға және жастар үшін қауіпсіз орта қалыптастыруға жаңа мүмкіндіктер ашады.
Бұл ынтымақтастық ЮНИСЕФ-тің балалар мен жасөспірімдердің құқықтарын қорғау саласындағы басымдықтарын іске асыруға, сондай-ақ Тұрақты даму мақсаттары мен 2030 жылға дейінгі күн тәртібіне қол жеткізуге ықпал етеді», – деп атап өтті ЮНИСЕФ-тің Қазақстандағы өкілі Рашед Мустафа Сарвар.
.webp)
(0).webp){kind=logo}
.webp){kind=logo}
