QJL All Star матчы – тек екі сағаттық футбол ғана емес, сонымен қатар сарапшылардың бірнеше айға созылған еңбегі, бір апталық оқу-жаттығу жиыны және көрермендерге арналған ауқымды шоу.
Қарқынды жаттығулар, негізгі құрамнан орын алу үшін бәсеке, жаңа таныстықтар мен әсерлер, ойыншылардың жеке толғаныстары, жеңіске деген сенім және көптен күткен сәтті аяқталу. Freedom Media платформасында эксклюзивті түрде жарық көрген «QJL All Star хроникасы» деректі сериалы «Боруссиямен» өткен матчтың айналасындағы атмосфераны жаңа қырынан ашып, оның басты кейіпкерлеріне – футболшыларға, жаттықтырушылар мен сарапшыларға сөз береді.
1-эпизод: «Басты интрига»
Freedom QJ League Жұлдыздар матчының кезекті шығарылымы басталғалы тұр. Жаңа буын ойыншыларына, олардың арасында таныс есімдер де бар, Германияның Мёнхенгладбах қаласынан келген «Боруссиямен» кездесуге тура келеді.
Ойын алдындағы басты интригалардың бірі – қақпадан кім орын алады? Жаттықтырушылар штабының қарамағында үш лайықты үміткер бар, алайда негізгі құрамға олардың біреуі ғана енеді.
2-эпизод: «Сәтті қорғаныстың сыры»
QJL All Star командасының оқу-жаттығу жиыны ресми түрде басталды. Барлық қажетті жағдай жасалған, Freedom QJ League президенті мен жаттықтырушылар штабы жігіттерге жігер беретін сөздерін айтты. Ендігі кезек – футболшылардың қажырлы еңбегінде.
Ал ойынға қатысатын соңғы құрам әлі анықталған жоқ. Құрамның жартысына жуығы – қорғаушылар. Олардың әрқайсысы талантты, бірақ негізгі құрамдағы орын саны шектеулі. Сондықтан жаттықтырушылар штабының алдында шынымен де күрделі таңдау тұр.
3-эпизод: «Ойын дирижерлері»
QJL All Star құрамасы ойынға дайындықты қарқынды түрде жалғастырып жатыр. Жаттығулардың салмағы сезіле бастады – бірден екі футболшы жарақат алып үлгерді. Алайда ешкім берілмек емес, өйткені әр ойыншы неміс машинасына қарсы матчта өзін көрсетуге ұмтылады.
Жаттықтырушылар штабы алдағы кездесудің кез келген ықтимал сценарийіне дайын. Дегенмен алда маңызды таңдау тұр: ынтасы жоғары бес талантты жартылай қорғаушының қайсысы ойынды алғашқы минуттардан бастайтынын анықтау қажет.
4-эпизод: «Шабуыл шебінде»
QJL All Star құрамасы мен «Боруссия» арасындағы матчқа бір күн ғана қалды. Екі команда да тыңғылықты жаттығып, алаңда жеңіске жететініне сенімді.
Алайда алдағы кездесу – достық пен қонақжайлық туралы да оқиға. Кештердің бірінің гала-кешкі асқа арналуы да бекер емес – болашақ қарсыластар Алматы тауларында уақытты тамаша өткізді.
Ал қазақстандық команданың негізгі құрамы әлі де анықталған жоқ. Жаттықтырушылардың қарамағында талантты шабуылшылардың тұтас шоғыры бар, сондықтан таңдау жасау әсіресе қиын.
5-эпизод: «Шешуші күн»
Соңғы дайындық жұмыстары аяқталды, қажетті сөздер айтылды, енді алда тек шешуші сынақ қалды. QJL All Star құрамасы азулы қарсыласын жеңе ала ма?
Деректі сериалдың барлық эпизоды жазылым бойынша қолжетімді.
