Турнирлік кесте әлі де тығыз: Freedom QJ League W тоғызыншы туры алдындағы басты жайттар

«Тобыл» – «Шахтер»

Қос команданың арасын бір ғана ұпай бөліп тұр — бұл ойын олардың орындарын ауыстыруға себеп болуы мүмкін. Сергей Поленов шәкірттері қатарынан төрт матчта жеңіліп жүрсе, Қостанайдың ойыншылары соңғы екі турда ұпай жинай алмады.

Дегенмен, Денис Сафронов баптайтын ұжым бұл жеңілістерін маусымның басты фавориттері – «Қайрат» пен «Астанаға» қарсы өткізген болатын. Бұған дейін «Тобыл» қатарынан төрт матчта жеңілмеген. Сондықтан, бұл матч – өз жанкүйерлері алдында ес жиюға мүмкіндік. Ал «Золушкалар» жеңіске жетсе, медаль үшін күреске қайта қосыла алады.

«Астана» – «Жетісу»

Чемпионаттың екінші орнындағы команда әлі де бірде-бір ұпай жинамаған Талдықорғандық «Жетісумен» кездеседі.

Асыл Пазыл мен Софья Рыбак секілді көшбасшылар өздерінің гол мен пас көрсеткіштерін жақсартып, «Қайрат» ойыншыларын басып озуға талпынады. Бірақ, «Жетісу» қыздары тосынсый жасай ала ма?

«Қайрат» – «Ақтөбе»

«Ақтөбе» қатарынан төрт жеңіске жетіп, маусымды төрт жеңіліспен бастаған команда үшін бұл керемет нәтиже. Енді олар қайтадан «Қайратпен» кездеседі — алғашқы матч 7:1 есебімен алматылықтардың пайдасына аяқталған болатын.

Алматылықтар осы маусымда еш қиындық көрмеген, бірақ бәрі бірінші рет болады. «Каспий» жігіттері секілді, «Ақтөбе» қыздары да сенсация жасай ала ма?

«Ордабасы» – «Ертіс»

Екінші турда «Ертіс» өз алаңында «Ордабасыдан» жеңілген. Қазір павлодарлықтар оңтүстік командадан үш ұпайға алда. Бұл айырмашылық осы аптада жойылуы мүмкін.

Алайда, «Ордабасы» негізгі қорғаушысы Милана Алидзе қызыл қағаз алған соң бұл ойында көмектесе алмайды.