Тимур Турлов – Metaratings Top Awards нұсқасы бойынша жылдың үздік спорт менеджері

Қазылар алқасының шешімімен Freedom QJ League Қамқоршылық кеңесінің төрағасы Тимур Турлов өткен жылдың қорытындысы бойынша «Жылдың үздік спорт менеджері» деп танылды. Қысқаша тізім халықтық дауыс беру нәтижесі бойынша жасалды.

Айта кетейік, Тимур Русланович – Freedom QJ League Қамқоршылық кеңесінің төрағасы ғана емес, сонымен қатар Қазақстан шахмат федерациясының президенті. Оның басшылығымен елде бірнеше әлемдік шахмат чемпионаты өтті, ал қазақстандық спортшылар түрлі деңгейдегі жүздеген медаль жеңіп алды. Олардың қатарында әйелдер құрамасының шахмат Олимпиадасындағы тарихи күмісі мен Қазыбек Нөгербектің жасөспірімдер арасындағы әлем чемпионатындағы жеңісі бар.