УЕФА Жасөспірімдер лигасы: Шымкенттегі тең ойын

Шымкенттік клуб өткен жылғы Freedom QJ League маусымында екінші орын алған. Чемпиондықты «Қайрат» иеленді, ал алматылық клубтың негізгі командасы ЧЛ тобына шыққандықтан, оның жастар құрама командасы да Жасөспірімдер лигасының тиісті жолына жолдама алды.

Осылайша, ұлттық чемпиондар жолындағы квота «Ордабасыға» бұйырды. Қазақстандық клубтың алғашқы қарсыласы – минскілік «Динамо».

Freedom QJ League Қазақстан атынан Жасөспірімдер лигасының ұлттық чемпиондар жолына қатысушыға көмек көрсету бағдарламасы аясында «Ордабасыға» қаржылай қолдау көрсетті. Әр кезеңнің алдында Лига клубқа тек алдын ала келісілген қажеттіліктерге жұмсалатын 12,5 млн теңге бөледі. Бұл қаржыны сапалы логистика мен іссапардағы тұрмысты жақсартуға, өз алаңындағы матчтарды ұйымдастыруға немесе команданың персоналына ынталандыру төлемдерін жасауға болады.

«Ордабасының» еурокампаниядағы ең жоғарғы табысы – финалға шыққан жағдайда 100 млн теңге.

Лига тарапынан қолдау нәтижесінде жанкүйерлерге түрлі ойын алдындағы белсенділіктер ұйымдастырылды: аквагрим, фотобудка, ойындар, конкурстар, сыйлықтар ұтысы және жанды музыка.

Ойын тең аяқталды. Ұзақ уақыт бойы командалар қақпаға гол соға алмады. 78-минутта «Динамо» жартылай қорғаушысы Егор Молчан пенальтиді жүзеге асырды. 80-минутта «Ордабасы» есепті теңестірді – шабуылшы Максим Гамаюнов гол салды.

Жауапты матч 30 қыркүйекте өтеді. Ол да Шымкентте, бірақ көрерменсіз ұйымдастырылады.